لـــ يا دنيا ــــيش
ليش يا دنيا من أغلى الناس بتحرميني
ليش يا دنيا عن عيون الأحباب بتبعديني
ليش يا دنيا بعز الفرح لازم تموتيني
ليش احكيلي
طول عمري عايش مرك
وراضيه
يمكن بيوم فرحتيني
بس شو هاليوم قدام كل سنيني
وبكون عارف يا دنيا لما بتفرحيني هاليوم
لازم أزعل مية يوم قدامه
حياتي شفت فيها كتير
وتعبت
وأنا لسه بأول عمري
ليش غيري مبسوطين وأنا بشوف بس همي وجروحي
ليش ما بنسى متل كل إلي بينسو
ليش ذكرياتي محبوسة فيا
ليش ما بتطلع مني وبتريحني
ليش ,,,
اشتقت يا دنيا للسعادة
اشتقت أشوف البسمة الحقيقية ع شفافي
بس إمتى ........
عشان هيك ,,,
راح أكتب همومي ع ورقي
لأنو الكل راح
وسابني لوحدي
إلا إنت يا ورقي خليك معي
إتحمل همي
يا أغلى من روحي
بلكن بحياتي بتواسيني
إحكيلهم يا ورقي بس أموت
قديش عانيت معي
وتحملت كتير بس مو اكتر
مني ,,
ولسه الكل بيحكيلي ليش حزين
بقلمي
موضوع: لـــ يا دنيا ــــيش 
السبت مارس 06, 2010 12:33 am
