ياحزن ماكنت أعرفك من قبل
لين شفتك ياحزن بعيون بنت
وش تبي في من تلثمها الخجل
ليه في نظراتها الخرسى سكنت
كنها في كون ثاني منعزل
ماتشوف ألا شقى حظن دفنت
كن عطر أنفاسها فيني ثمل
ينبعث وأن خانها الأحساس صنت
هي قصيده ماتخيلها عقل
هي عمر لجله تحديت ورهنت
جرحها ينزف طهاره لا أنهمل
ورمشها لاناظرت فيه أنسجنت
كيف أنا بتوب من شعر الغزل
دامني شفت الحياة بعين بنت
كنت أحاكيها وأذا سال الكحل
رحت مدري وش حكيت ووش رطنت
كنت أبي منها ولو كلمة أمل
لكن حروف الألم كانت وكنت
ساكته والصمت فيها له جمل
ماقدرت أزرع فرحها ولا ضمنت
قلت: من هو اللي له بقلبك محل
جت ضمتني بحرقه وأنغبنت
لعنبوا دنيا تبكيها جعل.؟
ماهتني بالنوم ليله كان خنت
قلت: من هو اللي تحبين ورحل
طال صمت الليل فيها لين لنت
قلت: من هو اللي تحبينه أجل ..؟
أضحكت لي بالدموع وقالت : أنت
موضوع: ضحكت لى بالدموع وقالت 
الثلاثاء مارس 16, 2010 6:24 am
