نقاش حول مسلسل نـــور... اعطنا رأيك

لا ننكر ان المسلسل له تأثير رائع وهو مسلسل ناجح بنسبة لي

لا كن هاذا لا يجب ان يكون خلعي لحيائي

وجوهريتي

(مسلسل نور )

هو المسلسل الذي اثار ضجة في قلوب الفتيات

المرهقات

فأصبح شغلهم الشاغل البطل الوسيم مهند

من تريد الزواج منه ومن تريد قربة ومن تتغزل في عينة

وهادا يفقد البنت جوهرة وحيائها

اذا ابتعتي قطعت قماش عزيزتي من البائع معناه ان تتعلقي بالقطعة لا بالبائع

مبتغاي قصة المسلسل لا بطله

بـ رأيكم ماهو سبب تعلق الناس وبخاصه المراهقين بهذا النوع من المسلسلات؟؟

وهل هو نوع من الغزو الفكري ؟؟

وبما أن المسلسلات التركيه الآن أصبحت تحل محل المسلسلات المكسيكيه سابقا

كيف نحمي أنفسنا وأبنائنا منها ؟؟وماهي الأضرار المترتبه عليها ؟؟

وهل أنت/ي من متابعين هذا النوع من المسلسلات ؟؟ ولماذا ؟؟

شوف من الاخر ادمن انا كنت بحضره ولكن بابا وضع لنا جائزة بالبيت الي ما راح يحضره اله ؟؟؟
يعني انا اربحت رضا ربي
وكمان والداي
وكمان الهدية
ومشان هيك بحكي للكل والله انو فاشل 100%
فيا ريت كل والين يمنحوا ابنائهم كل شي كرمال ابنائهم بنهايه
وانا كمان اول يومين لمى ما كنت احضره والله كنت اضايق ولكن هلا بلوم كل مخلوق بيحضره
لانــــــــــــــــــــــــه فاشل
تحياتي
ريما

مسلسل نور لطالما نهيت اخوتى عن متابعته لكن العجيب وكانهن مدقوقات بمسمار امامه

تابعت حلقات متفرقه منه لكنى وجدته تافه
بصراحه انا لا اقبله فى بيتى

جمال الشاب اعجب مين
بس مش لدرجه الولع بيه
الله يهدى

ههههههه انا بصراحه تابعت المسلسل وهو مسلسل تاااااااااااااااااااااااااافه ومالو اي معنى او هدف وانا ندمت لانى ضيعت وقتى على هيك تفاهه

والله مشكورين كتير ريما ولحن الوفا وهمس المشاعر على هالاقوال الجريئة
واحي ريما اكتر لانوا اكتر ناس اقتنعوا بمسلسل نور هم البنات
اما بالنسبة لراى فالمسلسل اتفه من ان نجعلوا مدار لحديثنا

مع تحياتى .....حكيم

للأسف انا تابعت كل المسلسل وندمت كتير لانه في النهاية لقيته كتير تافه وما اله اي معني

اصلا هو ما نجح في تركيا فأكيد ما راح ينجح عنا

انا تابعت المسلسل لكن مش من اول حلقاته بدات يمكن بالحلقه ال 70 وتابعته للاخر

المسلسل حلو وواقعي نوعا ما .. وبيعالج بعض المشاكل بطرق صح ...
ووضح بعض الاخطاء اللي بيقعو فيها الاهل والناس بدون قصد ..
طبعا رغم انو كتير في ايجابيات واثر .. الا انو في الو جوانب سلبيه ..

ما لقيتو تافهه للدرجه اللي بتقولوها .. بالعكس لزيز المسلسل وحلو

بالنسبه لمهند .. حلو بس انا مش ميتمه فيه .. >>> انور احلى منه خخخخخخخخخخخ

بدون اي مقدمات

مسلسل ساقط اخلا قيا ودينيا

ومهما كان بعبر عن واقع وعن حياة

بظل مسلسل فاسد

وهذا راي الشخصي

تحــ ابو المؤيد ـــياتي

تابعت مسلسل نور
ووجدت به الصراحة والحب والرومنسية
بس ما تعلقت فيه زي الناس

تحياتي
الوتر الحساس

مسلسل نور ماذا اقول

لا اعلم

مسلسل حاز علي اعجاب الاغلبية بالوطن العربي

اصبح ادمان بالنسبة لاناس كثيريون

وحقا رغم انه اثار فضولي في البداية

الا انني وجدت نفسي امل منه

يوما بعد يوم

وخاصة عندما رايت ان الناس لا يشاهدونه فقط بل ادمنوه

رغم ما يشاهدوه من مشاهد غير اخلاقية

وبعيدة عن الواقع

رغم ما فيه من سلبيات تضر بديننا الاسلامي

حقا لقد ايتعدنا عن الدين اميالا

شكرا لفتح بابا كهذا للنقاش

دمتم بود

صراحة هوا مسلسل لا يعبر عن التقاليد الإسلامية والعربية لذلك أنا منعت أهلي من إنهم يحضروا لكن أنا كنت أتابعوا علي النت صراحة كان في إيجابيات بس مش مثل السلبيات سلبياتوا أكتر.

مسلسل نور حرام شرعا وكل السلسلات حرام

مسلسل نور ساقت اخلاقي ويجب علي كل بيت مسلم

ان لا يسمح بهذه المسلسلات هي المايصه

وشكرا

مسلسل نور حرام شرعا وكل السلسلات حرام

مسلسل نور ساقت اخلاقي ويجب علي كل بيت مسلم

ان لا يسمح بهذه المسلسلات هي المايصه

وشكرا

شوف من الاخر ادمن انا كنت بحضره ولكن بابا وضع لنا جائزة بالبيت الي ما راح يحضره اله ؟؟؟
يعني انا اربحت رضا ربي
وكمان والداي

مسلسل هابط وفاشل اخلاقيا ولا يمت لدين الاسلامي بصله ولا حتي للعادات العربيه
والهدف من انحراف الشباب العربي المسلم

مسلسل عادي انا ما حضرة منو كتير حلقات بصراحة هو فعلا تافه وانا ما اهتميت فيه كتيير

مسلسل مهند ونور مسلسل تافه وعفوآ لهذه الكلمة زبالة تركيا

تركيا بلدهم ما اعترفت فيه فما بعرف كيف وجد فى وسطنا العربى هادا الاقبال
هل العرب أصبحوا حاوية........................ ؟؟؟؟؟؟؟؟؟؟

انا بصراحة كنت احكي المسلسل تافه جدا بس لما شفت اهلي بحضرو فيه كنت لما اكون زهقان احضره يعني احضرت 3 حلقات او4 وعرفت شئ واحد من المسلسل

المسلسل بعملك معنى الحب الحقيقي وبجد بوريك شو الحب حلو وكيف الدنيا بدون حب ما الها معنى

تقبل مرروري

مسلسل نور منشق اخلاقيا ولا يجوز اي حرام

السلامح لهل البين ان يرون متل هذه المسلسلات الصاقطه ا
اخلاقيا

علي العموم مشكور اخي علي علي طرحك علي هذا الموضوع

والله انا ما حضرتو بالمرة والشب مهند واحد بالمرة انا ما بعرفو بس حسب ما سمعت من صحباتي اديش حباتو ونفسهم فيه

انا بدي اعمل حالي محللة نفسية

هوا ليش البنات انبسطو عليه اكتر من الشباب لانو هون بنات فلسطين بشكل عام ما عندهم متل هيك اجواء لانو لا دينا ولا عاداتنا بتمسحلنا نعمل متل هيك وبالتالي بحسو البنات انو هناك في نقس بمتل هيك ئصص ف عشان يعوضو هالنقص بضطرو يحضرو متل هيك مسلسلات اللي اجوائها حلوة ومو موجودة على ارض الواقع
انا بعذرهم والله يكونلهم معين
تحياتي
المجدلاوية
شو رايكو بحكيي وتحليلي الشخصي للوضع بشكل عام؟

انا ما تابعتووووووو من الاول ، بس من بعد المية

وتندمت لانو بس مجرد تضييع وقت

وبرد على lolla

مسلسل نور مو واقعى بالعكس خيالى ، صحيح كان يمثل دور الزوج المحب

بس كتير زيادة عن حدوووو

وكتير سمعنا قصص طلاق بسببه

وتافه لانو خلى البنات ميتين عليه بشكل مش طبيعى

صوره عالجوالات خلفية ، وأغانى لإله

من كتر اللى بنشوفه ما بيعجبنى مهند بحلاته لانو انسان ساقط

وانا متأكدة البنات بيحبوه لجماله

والجمال مو كل شى

يسلمووووووووو لفتح هيك نقاش

هههههههههههههههههه

أحكيلكم شغلة أنا مقيم بسويسرا وبدرس هناك

تصدقو انو في الجرايد هنا ضحكو ع العرب

يعني أنا ما تابعتو لانو شايفو تفاهة متل كل

المسلسلات او كل انتاج سينمائي جديد

أنا بطلت أقتنع بوجود قصة أو موضوع ..

أنا شايف انو غزو منيل لعاداتنا وتقاليدنا

لأنو هما مسلمين وهيك رح تصير المشكلة انو كل بنت

رح تحكي انو هادا ما رح يأثر..تطلع وتطش مع شب

أنا شايف انو هادي مصيبة وما شا الله لسه في كتير متلو

والتعلق أو الفوبيا تبعت الناس مستمرة كم مسلسل تركي

وكم مليون عربي بيتفرج

الله يصلحنا ويهدينا ياا رب ويرجعنا لدينا والأصول تبعتنا

بصراحة ازا وصفت المسلسل بالتافه وكاني قاعدة بمدحه يعني هو اقل من تافه ولا يستحق انه يكون موضوع للنقاش
انا وحدة من الناس ما بحضر الا القليل اللي بيكون له هدف بهالحياة ويا ريت يكون هاد راي الكل

والله خراب البيوت بدأ من عند مسلسل نور وبعديها سنوات الضياع وبلشنا بالأكثر

وهذه المسلسلات تساعد على فساد الأمة الإسلامية ومن يتابع ذلك من إجرام و.... إلخ

مصيره جهنم وبئس المصير

» نقاش حول مسلسل باب الحارة 00
» ما رأيك بالاستايل الجديد لملتقى جامعة الازهر ؟ ادخل واعطي رأيك
» نقاش عن الحب
» نقاش فى الحب
» نقاش حاد بين قلمي وضميري