اعلان هام جدا لطلاب جامعة الأزهر

بسم الله الرحمن الرحيم

اعلان هام لطلاب جامعة الأزهر بغزة

بالبداية نود تهنئة جميع الطلبة بمناسبة بدء العام الدراسي الجديد
والذي كنا نتمنى أن يكون حال الجامعة وحال ادارتها مع بدئه أفضل حال مما سبق
ونأسف للقول أن المرحلة التي تمر بها الجامعة هي أسوء مراحليها

طلاب جامعة الأزهر الكرام

مع بدأ العام الدراسي الجديد وفي تغيب شبه تام لمجلس اتحاد الطلبة عن مشاكل الطلاب
تستغل ادارة الجامعة وعمادة شؤون الطلاب هذا الغياب للمجلس
وكما تستغل صمت الطلاب وعجزهم عن الوقوف في وجه قراراتها الجائرة
وتستغل خلافات الطلبة من اجل فرض سيطرتها على الطلاب بقرارات أقل ما يقال عنها ظالمة

طلابنا الأعزاء

مع بداية الفصل الجديد اتخذت الجامعة القرارات الأتية :

- يتوجب على الطالب لكي يسجل الفصل الجديد دفع كافة الرسوم الدراسية للسنوات السابقة
هذا لطلبة دفعة 2008 فما فوق
ويتوجب على طلاب دفعة 2007 فما تحت دفع نصف الرسوم من كل فصل من السنوات السابقة
حتى يستطيع التسجيل للفصل الحالي .

- الغاء نظام تقسيط الرسوم للطلبة ومن تم التقسيط له مسبقاً يتوجب عليه أن يكمل باقي الرسوم .

- حجب الدرجات وصفحة الطالب على موقع الجامعة لكل طالب لم يسدد الرسوم
كذلك الطلاب الذي تم التقسيط لهم .

ورغم كل هذه القرارات الجائرة والغير مسبوقة نرى الطلاب عاجزين عن الوقوف في وجه هذه القرارات
في ظل غياب من يمثلهم ويدافع عن حقوقهم

ولهذا ومن منطلق حرصنا على مصلحة الطالب بالدرجة الأولى قررنا القيام بالاعتصام والتعليق عن الدراسة
يوم الأحد المقبل ان شاء الله وذلك الساعة العاشرة صباحاً والتجمع سيكون عن الساعة في مبنى العلوم

سنضع كل خلافاتنا جانباً ونبرهن لادارة الجامعة أن الطلاب لا يزالوا قادرين على الدفاع عن حقوقهم
مطالبنا كالأتي :

1- فتح باب التسجيل للطلبة الذين دفعوا رسوم الفصل السابق دون التطرق للسنوات السابقة
مع وضع الية لتسديد الرسوم السابقة والجامعة لن تعجز في ذلك .

2- رفع الحجب عن الطلاب الذين سددوا نصف رسومهم كذلك الطلاب الذي تم التقسيط لهم .

3- فتح باب التقسيط للطلبة غير القادرين على تسديد رسومهم كاملة
وليس التقسيط بالواسطة والمحسوبية كما ورفع الحجب على هؤلاء الطلبة بعد التقسيط .

4- منح الخريجين يجب أن تتوزع بالتساوي على الطلاب
وان يأخذ أحدهم منحة ب 50% وأخر 25 % كلُ حسب محسوبيته
لم يعد مرضياً لنــا

أيها الطلاب هذه حقوقكم ومطالبكم من حقكم أن تطالبوا الجميع بها
فنقابة العاملين الفصل السابق علقت الدراسة لايام وأيام على حساب مصلحتنا ودراستنا
من اجل مصالحهم ومطالبهم
أليس أيضا من حقنا الاعتصام والتعليق من اجل مطالبنا وحقوقنا العادلة

أن يوم الأحد القادم هو يوم يعبر فيه الطالب عن مشاكله
أنتم ليسوا بحاجة لمن يمثلكم يوم الأحد
سوف تكونون من يمثل نفسه
فحضوركم وصوتكم تعبيراً على رفضكم و الاثبات للجميع
أن طلاب الأزهر لازالوا قادرين على تحقيق مطالبهم .

طلاب جامعة الأزهر بغزة

شكرا كتير لإلك ان شاء الله بنكون هناك والله الظروف صعبة كتير حرام عليهم حسسونى انا بجامعة الاسلامية

شكرا كتير لالك

شكرا الك كتيير

اه انا دفعت رسوم الفصل السابق بالتقسيط وهلاء حجبوه على

وكمان ما فتحو الى التسجيل الا لمن ادفع رسوم الفصل الاول السبق

مع العلم انو فى الفصل الاول السابق لم يمنح لاى طالب قرض

على هيك لازم ندفع كامل

حسبى الله ونعم الوكيل لامت بدهم يظلو يلعبوو فيناا ويطلعو قرارات صارمة تحبط الطالب من الدراسة وتدمر له نفسياته

الله يععين الشعب ع حالو

وهدول بيفكر فى مصالحهم وعم بينهبو فى الغلابة

من زماااااااااان لازم يكون الاعتصاام وانا اول الطلاب

انا اصلا عميد الشؤون على اللوح هو الى اتخد هاى القرارات بدو يبين حالو علشانو جديد دمر الطلاب الف دعوة تلاقاها من الطلاب

الله يرحم النجار ياريت يرجع وترجع قوانينو

والله شى بيجنن وبيحرق الدم مفكرو حالهم الاسلامية تعليمهاا قوى

كيف لو الدكاترة بيفهموو اى الدكاترة ما بنفهم منهم شى بيجى يحكى كلمتين وبيطلع

حسبى الله ونعم الوكيل

انا مع حرقة دمى مش عارف شو اعمل لكن انا اول الناس فى الاعتصام

ان شاء الله بصير خير وبنكون في الاعتصام

اهاااااااا

طيب ليش هلأا لازم نسدد الرسوم عشان نسجل طيب ليش هيك
في أمل يلتغى هاد القراار ولا لأأا
لازم ولا بد من اعتصاام عشان هاد القراار
وخلونا علي اضطلاع مع بعض

ان شا الله فى امل انو القرار حيلتغى مش فى امل وبس

اكييد راح يلتغى والا مجلس الطلبه رايح يصعد الاموور

يابلبو طلابات الطلاب ياماا الجامعة بظل فاضية وما فى حدا بيدرس فيهاا ساعتهااا لحالهم بيلغو القرار

ان شاء الله خير

مشكور اخي الحبيب

علي حهودك

cyan]=29]حسبي الله ونعم الوكيل انا طالعالي منحة الاميديست كاملة 688 دينار تفاجئت انو بس مخلينها في السند البنكي 483 دينار وما بتغطي الرسوم كاملة زي ما تعهدولنا شو بدنا نعمل بعيك جامعة حسبي الله ونعم الوكيل واكيد رح نكون في الاعتصام ان شاء الله[/size]

اها ياريت الجميع يشارك يارب
وما يكون الا بفائده

ان شاء الله كل المطالب بتتحقق

ع حسب علمي تم تأجيل الإعتصآم بسسب بعض الظروف الدآخلية

والله شكلو لا في اعتصام ولا شي

باينة لا أمل ولا عمر حتى
الله يجيب يللي فيه الخير وبس

انا كليه طب
بصراحه كنت بدفع لحد ما الاوضاع نزلت يعني
عليا اقساط بعد الايمديست مش ئليله
السنه الماضيه بدي 700 دينار بعد المنحه
صعب هلا ادفعهم وادفع فصل جديد
لازم بجد نشوف حل

شو بنعمل يعني...لا إله إلا الله

جامعة الازهر صارت تخبص كتير
ومش قادرين ينفذوا عالقرارات من زمان
اليوم جايين يعملو نظام جديد علينا
كل الي بعملوه عالفاضي
وانا واحد من الناس كنت ملزم بالدفع
بس من اليوم مافي ولا شيكل للجامعة
وعلى الجميع التضامن من اجل الغاء هذه القرارات التي لامعنى لها ولا جدوى
ويجب مراعاة ظروف الطلبة
رأي الطالب وصوته مهم جدا في هذه المؤسسة التعليمة
وليش بقرارات تفرضها الجامعة على الطلاب
تقبلو مروري
تحياتي
الأسمـــــــــــــر

مشكور ويعطيك الف عافية*********

انا جايه عالاعتصام
والله انها جامعه عنجد عايشه عالواسطه

بعين الله عالجامعة الله كبيييير على قرارتهم

الا ما تفرج

ان شاء الله خير شكرا يا حج مراد

شكرا على جهودك يا طيب

اسمعوني جيدا يا طلاب
جامعتنا الازهر خص نص ما فيها شي اسمو صعب ولو اذا احنا بدنا شي بسير بإرادتنا
ولازم الاحد الكل يثبت وجوده وصدقوني راح يصير يلي بدكم اياه بس لازم ما تقتنعو باي كلام واستمرو بالتعليق لما يتغير القرار
وخذو خبر مجانا : مجلس اتحاد الطلبة لو بدو يغير هاد القرارات اقسم بالله بغيرها بس هما بدهم هيك مش سائلين ومش فارقة معهم لانهم خلصو واللي الو قريب بخلص الو من تحت الطاولة مثل ما ابتعرفو اسألوني جيدا اعرف الجامعة ع حقيقتها
هاااااااااد حقكم ولا تسكتو عنو
ما بدي احكي اكثر من هيك ابتبقا جامعتنا
ومشكور عاشق علي كتبته لانه حقيقة فعلا والكل يثبت وجوده الاحد انشالله وصدقوني راح يصير ياللي بدكم اياه وبشرط لا تعتمدو علي مجلس الطلبة

ىلاىلار

مشكوووووووووووور

ان شاء الله بيصير خير

» بخصوص توزيع 100 دولار لطلاب جامعة الأزهر أمس
» إعلان لطلاب وطالبات كلية التربية بجامعة الأزهر بغزة
» بيان للرأي العام من مجلس أمناء ومجلس جامعة الأزهر-غزة( شجب واستنكار) يستنكر رئيس وأعضاء مجلس الأمناء ورئيس وأعضاء مجلس جامعة الأزهر-غزة قيام مجموعات
» بيان للرأي العام من مجلس أمناء ومجلس جامعة الأزهر-غزة( شجب واستنكار) يستنكر رئيس وأعضاء مجلس الأمناء ورئيس وأعضاء مجلس جامعة الأزهر-غزة قيام مجموعات
» جامعة الأزهر بغزة تصنف كواحدة من أفضل مائة جامعة على مستوى قارة آسيا