.. ( موقف صار معى ) ..

سم الله الرحمن الرحيم .


بدون مقدمات ..

وبرم ازيادة .. انخش ع الموضوع ع طول .


وبما انو انا بحبش البرم .. ع شان البرم بعملى الكحه وانا يا حبت عينى بحبش ايكون عندى الكحه ..


اشترى طيارة اباتشى واحصل ع زنانه مجانن ..

موش موضوعنا ..


اصحيت الصبح الساعه 6 المغرب ع اذان الضهر هيكا ..

]اطلعت اشترى من معسكر دير البلج .. فلافل وفول ..

اركبت فيه السيارة .. زى ما بركبو الناس .. طلعت معى بنت .. شكلها من الجامعه ..

ماسكه كتاب صف خامس ..


الموهوم ..

واحنا فيه السيارة بنمشى .. البنت بقول ضاعت منى ميت شيكل ..


وابتحكى للسواق انو انا الى سرقت الميه شيكل ..

انا اسرق ع اخر الزمن ..




الموهم .


بقول للبنى ادمه .. يا بنت الناس .. انا مسرقتش حاجه منك


بتقلى لا شفتك وانتا ابتوخد منى الميه شيكل .. لانو فش حد فيه السيارة الى انا وانتا ..



انا الحين فيه موقف بخزى

بقولها امكفيكى كذب ونصب ع العالم .. بعرفش ايشى عن الميه شيكل ..

بتقلى انتا واحد حرامى ونصاب ..


الحين صار القصه اكبيرة فيه كذب ونصب ..


ولعت معى .. بطلت اجمع .. بقلها امكيفيكى كذب ع العالم يا كذابه ..
ولو بدك الميه شيكل .. بكتبلك شيكات فيها ..


بتقلى طلع الميت شيكل لاروح ع الشرطه الحين ..


بقلها يا بنت الناس .. انا كل الى فيه جيبتى وجبيت اخوى الى فيه الدار 2 شيكل .. حتا سرقتهن من الحجه ..

]كبيرت القصه .. واغلطت عليها ..

]لهى ابتخبطنى كف ... انا اكلت كف يا جماعه ..


]الفاقد ع اخر الزمن يوكل كف ..

الحين عملت حالى مش دارى فيه القصه وطنشت .. بضلها بنت ..


اوصلنا للشرطى المرور ..

اوقفنا عند شرطى المرور ..


بتقلو هاد سرق منى ميه شيكل .. وغلط عليه ..

بقول لشرطى .. انا اغلى حاجه فيه دارنا الخلاط وانتا بتقلى ميه شيكل ..


الشرطى اخذنى ع قد عقلى .. بقلى اذا معك الميه شيكل اعطيها ايها وبدون مشاكل .


روحت اشتريت بشيكل خبز .. وحلفتلو عليه ..


الشرطى بقول للبنت ..


دورى اكويس فيه الكتاب الى معك يمكن وقع فيه الكتاب ..


البنت بتقول لا .. هو الى سرقت الميه شيكل ..


الشرطى مسك الكتاب .. ودور فيه الكتاب .. لقى الميه شيكل .. فيه الكتاب ..

الحين انحلت القصه .. لانو لقينا الميه شيكل ..

بس عندى انا ما انحلت القصه ..


انا اكلت كف ..


الحين بدى اسد الخبطه للبنت ..


خلص ضربت فيه مخى .. انى اخبط البنت كف ..

الشرطى بقلى ولك واحد الله هاد بضلها بنت ..

قلتلو فشى .. هم اولاد الناس لعبه .. مرة حرامى ومرة كذاب ..

ومش عارف ايش .. انا بدى اخبطها كف من هان .

لهى امى بتقول قوم اصحى .. ع شان تشتريلى علبه صلصله







وهيك خلصت القصه ..

وبطلب فيه نهايه البرنامج .. اغنيه ست الحنانه يا حنانه انتا ..

وصبح تاتا اثنين فيه ثلاثه ..


سناريو واخراج ..

الفاقد .


برعايه

بونكس ثلاثه فيه واحد ..


نظافه ريحه توفير ..



وى

السلام عليكم ..