يلى بعملى حل لقصتى الو الحلوان

السلام عليكم
اتمنى ان تكونو بالصحة والسعادة
انا شاب سنة اولى فى جامعة الازهر بدرس اعلام
حابب شوف شو بدكو تعملولى حل لهالقصة
واليكم القصة
فى يوم من الايام الى كنت روح فيها على جامعة الازهر مشان كمل عمليت التسجيل بالجامعة
واثناء اجراء عمليت المقابلة للتخصص
كنت واقف على باب الغرفة يلى بقابلو فيها فى العمادة ما بضن ما حد بعرفها
المهم بقيت انا وبنتين بس
طول الوقت واحنا واقفين وبنطلع فى بعض لما اجى دور البنت يلى مع البنت الى انا بقيت بطلع عليها
المهم يا اخوان بدى احكى معها بالاه بالا وبنفس الوقت بش عارف كيف البنت للعلم بتقول للقيامة قومى من كتر حلاتها
المهم طلعت صاحبيتها وانا اجى دورى مليش خاطر ادخل المقابلة مشان ما فارق عنيها
المهم وفجاة اجتنى قوة قلب وحكتلها؟؟
انا حابب تفوتى قبلى
لهى بتحكى وشو السبب يلى خلينى فوت قبلك
قلتلها خلص انا كريم وانتى بتستاهلى
لهى بتحكيلى ما بدخل ولا بتعدى على حق حد
حكتلها انا بحكيلك ادخلى
حكتلى وانا بحكيلك ما بدى فوت قبلك
وبصوت عالى حكتلها بلاش
سكتت
المهم دخلت المقابلة وطولت جوة شوية
المهم لما اطلعت لهى بتزعق على وبتحكيلى ممكن سؤال
حكتلها تفضلى
بتحكيلى ممكن تحكيلى شو سالوك جو
حكتلها اووووه
اسالة صعبة كتير وربنا يستر
ما بيرحمو حد الظاهر هيك عادى هى لا صعبة ولا شى
المهم انا ارعبتها شوى
حكتلى شكرا
المهم البنت دخلت قلبى
ورسمى يا جماعة انا نفسى احكى معها تانى مرة
مع انى بشوفها بالجامعة او شفتها كزة مرة بس خايف احكى معها هيك بدون سبب
تقوم تحرجنى
بس بجد انا البنت دخلت قلبى وبدى احكى معها وناوى حبها بجد هزت مشاعر جسمى كلها
بجد نفسى اتعرف عليها وصير احكى معها وارتبط فيها
بتمناااااااااااا تساااااااااااعدووووووووووونىىىىىىىىىىى

الدنيا نصيب

عارفين نصيب
بس انا بدى حل للى عندهم خبرة
؟؟؟؟

يا اخى اعرف اين تسكت وتقرب من المقربين لها

انسى بلا جيزة بلاهم بلا هدت حيل

أفضل حل لهيك موضوع برأيي
اعرف وين بيتها واتقدملها بدون تردد
اذا فعلا حبيتها وهزت كل كيانك ما تضيعها منك
اتقدملها رسمي مباشرة بدون ما تحاول تكلمها
وربنا يوفقك

الله يوفقق في الاول يارب

بس تاكد يا اخى لو انت ما قد المسؤليه وبتاخد مصروفك من ولدك انسي الموضوع

واذا موظف وتتحمل فتح بيت تؤكل على الله لو خايف مستعد اروح اخطبها الك حتى تكون مرتاح انت وهي

اما اذا طرق طويل قدامك انسي الموضوع

والقرار في الاخر مالك الك والله يوفقق تقبل رائي

صحيح كلامك
لازم يكون قد مسؤولية انه يكون بيت القصة مش بهالسهولة

اعرف الناس الاقرب الها فى الجامعة وتقربلهم وهما بيحلولك القصة بعدين انت صغنون

عطر ندي هويتك مساعدة الاخرين شى جميل كثير لما تكوني تساعدي الاخرين

بس رائيك غلطت ايه يتقرب الى الناس فى الجامعه عشان يتعرف عليها اسلم طريق هي دخول من الباب
بس سنه صغير مع احترامي اله خدها منى يا اخي انا كبر منك والحمد الله موظف وعقبال عندك ما تفكر الزواج سهل بس كلمه بحبك لازم تكون قد المسئوليه عشان تفتح بيت وانصحك نصيحه كل جهدك انك تخلص جامعه لو عندك وقت اضافي استغله فى شغل وتعود انك انت الى تصرف على نفسك تعرف كنت بدرس وبشتغل والحمد الله ولا عمري فكرة انى عمل قصه حب كل تفكير انى اكون نفسي وعقبال عندك يااخي..

كل الكلام الى انتى بتقوله بنصحك انساه واعطي كل مشاعرك بس الى زوجتك لما تتزوج سوف تقول كلام اخي عبدالله صح والله يوفقق وتستغل وقتك
ممكن سؤال لو انتى تعرفت عليها وصارة قصه حب بينك وبينها اخريتها سوف تتزوجها انت عندك امكانيه لهيك اذا عندك من الان تقدم الها؟؟؟؟؟؟؟؟؟؟؟

شوف يا اخى توكل على الله وتقدم لخطبتها اذا وافقت كان بها واذا لم توافق لا تحزن لانها ممكن ان تكون لبست من نصيبك من البداية قدر الله وما شاء فعل الله يوفقك بس مش لسه بدرى شوية اوعا تتسرع

انا من رأي لما تشوفها مرة تانية .. قلها لو سمحتي ممكن سؤال .. وخدها ع جنب .. وقلها كل اللي في قلبك وما تردد .. المهم انو الواحد يكون صريح ويكون صادق بمشاعرو عشان يقدر يوصل لغيرو احساسو ..

ولو كانت نيتك صافية مية المية ما تترد ولا خطوة انك تسأل صحباتها عن عنوان بيتها وتروح لاهلها وتخطبها منهم واذا وافقوا اكيد مبروك عليك تتهنوا يارب وان ما وافقوا فاكيد قسمة ونصيب واللي مكتوب ع الجبين لازم تشوفو العين اكيد .. مقدر ومكتوب .. ووقتها بتترك هيك قصص وبتحاول محاولة انك تنسي وبتحاول تدرس اكتر وتشتغل اكتر وما تخلي بوقتك فراغ عشان ما تفكر .. ومع الايام بتلاقي غيرها ...

وابقي طمنا ..

انا بئول ماتفكر هلا بهاد الموضوع لانك لسه صراحه في بداية مشوارك يعني ركز بدراستك احسن وما تزعل مني والبنات كتار وممكن تتعوض كل واحد ورايه