خدنة باحضانك

خدني بأحضانك

صعب لا منّك فشلت ... وصعب لا منّـك لقيـت
إن من يكره نجاحك .. يدري أنـك مـا نجحـت



أمس ضقت .. ورحت أقلّب ذكرياتي .. وانتهيت
عند صورة طفل صوته مثل صوتي لا إنجرحـت



وش مثل ؟ لا والله الا هـذا أنـا يـوم ابتديـت
انطق حروف تلعثـم فـي لسانـي لا انمدحـت



هذا أنا يـوم الحيـاه افنظرتـي عشريـن بيـت
ومسجدين ومدرسه من طين كم فيها اصطبحـت



هذا أنا .. وأصبحت اتمتم: ( هذا أنا ) حتى بغيت
اختنق .. بس القدر عيّا على موتـي .. وطحـت



وصاح صوت الطفل فيني : انت من وين ارتميت
قلت انا المستقبل اللي فيه كـم همـت وطمحـت



امس كنت ابيك تكبر .. بـس والله لـو دريـت
اني اللي عشت لجله .. مت عنـدك واسترحـت



لو دريت ان الزمان يجـر رجلـي مـا عديـت
ولو دريت ان البحور بـلا موانـي مـا سبحـت



كان دربك لي طويل .. وكـل ماشفتـك هويـت
قلت لـك كبـوة جـواد وماكبيـت الا وجمحـت



ليـه تسمعنـي وتمشـي .. آه ليتـك مامشيـت
وآه ليتك من كثـر عثـرات الأيـام انتصحـت



ضاعت أحلامي وضل الحـزن فينـي واهتديـت
للطريق اللـي يودينـي علـى دمعـي ورحـت



يالحـزن ليتـك مثـل دمعـي وتنـزل لارقيـت
بس اعرفك لو مسحت الدمع تبقى مـا انمسحـت



كان حلمي فـي وجـود انسـان يبكـي لابكيـت
وصار حلمي في وجود انسان يفـرح لافرحـت




كنت اشوف الناس مثلي كـل ماجعـت وظميـت
مادريت ان الأوادم نـاس فـوق ونـاس تحـت



آه يأول ذكرياتـي .. خذنـي افحضنـك نسيـت
لاأسألك عن وجه ابوي اللي معه يامـا سرحـت



خذني افحضنك ابغفى .. ياااااه مبطي ما غفيـت
وأن لمحت دموع عيني .. سو نفسك مـا لمحـت



خذني افحضنك وبعثر في جروحي .. وأن قضيت
هز لي كتفي وقلي : عيـب تبكـي لـو سمحـت



أضحك ... وعلّم زماني من أنا .. ومن وين جيت
طق باب الحزن وأصـرخ فـيّ لامنّـي فتحـت



وضمني يمّك ... وكمّل ضحكتك لا مـن بكيـت
ودي اذكر كيف كانت ضحكتي .. لا من فرحت..

حلوه من اولها لاخرها، ، بس شو معناها مبطي؟