الهجر

موضوع: الهجر الأربعاء ديسمبر 01, 2010 4:10 am

خلي هجرني تكفى ياموت زرني
وان ماقدرت دلني مكانك وانا اجيك

مابي حياتي دام خلي هجرني
مابي حياتي دامه يقول مابيك

يدري بظلم الناس يدري وظلمني
واكد كلام اللي يقولون ناسيك

لكن قبل لاتاخذ الروح مني
باسأل حبيبي كم سؤال واخاويك

وشلون قلبك ياحبيبي تركني
وتد ري بخفوقي كم له سنين هاويك

وماتدري بعادك وصدك ذبحني
وما تدري عن دمع نثرته وانا ارجيك

اسال جميع الناس وش صار عني
اسال وش اللي صار في حال مغليك

لوعلموك وش كثر همي وحزني
من يوم حبي انتهى وصار ماضيك

لو علموك عن قلبي اللي يوني
مطعون يصرخ يشتكيلك يناديك

لو عاش عاقل عيشتي كان جني
حالي لو تشوفه بعيونك يبكيك

صار الحزن هو لعبتي صار فني
ابكي ندم والله الى حل طاريك

ضيقت صدر ويا الهموم اسكنتني
احكي واكمل ولا ماقلت يكفيك

اللي سمعته بسبتك انت جتني
عطيتني كرهك وانا الحب معطيك

ضاعت سنيني وانا بالحب أبني
قصوور وانهدت سبب فعلت ايديك

جاك الوفا والحب والعشق مني
حتى الوله والشوق والصدق معطيك

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

هذي حقيقة بعض مامنك جتني
وبعض اللذي اسقيتني انت با ايديك

ماكنت ساكت خايف بس لاني
ميت بحبك ما أقدر ازعلك واشقيك

حرّمت اقولك من محبتك عطني
مادام غيري في محبته مرضيك

ببعد بعيد واوعدك ما احني
ابشر اببعد ومع حبيبك بخليك

خلصت هرجي الحين ياموت خذني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك

موضوع: رد: الهجر الأربعاء ديسمبر 01, 2010 9:18 am

ما فى شى اصعب من الهجران والله

موضوع: رد: الهجر الأربعاء ديسمبر 01, 2010 9:40 am

شكرا لكي كوفيه غزه علي مرورك الرائع
لقد اسعدني علي ردك علي المواضيع
وشكرا ليكي مره اخري وان شاء اقدر
اسعدكم بمواضيعي
مع تحياتي
آلآمـ الغذر والخيانه

موضوع: رد: الهجر الخميس ديسمبر 02, 2010 6:59 pm

الام

كلمـــــــات تدمي القلوب إن لامستها

كم تتفن برسم الحزن وتوجيهه للقلوب

أنت حقا مبدع أتمنى لك حياة أفضل

ودي