ذكريات توجيهي

هلا بكل الاعضاء
شو رايكم بالموضوع الجديد
انا حابة اشوف شو عملتوا بتوجيهي ما بدي من يوم ما دخلناها
لا انا عايزة تجاوبوا على هاي الاسئلة
1* كيف كان شعورك قبل النتيجة بيوم ؟؟؟
2*مين الي بشرك بالنتيجة ؟؟
3*كيف طلع معدلك ؟؟بصراحة
4*كيف كان موقفك بعد ما سمعت نتيجتك ؟؟
5*شو الي خلاكم تختاروا الجامعة ؟؟ والكلية الي انت فيها ؟؟
6*شو كان موقف اهلك لما عرفوا نتيجتك ؟؟
7*مين اكتر شخص فرحت له لما عرفت نتيجته ؟؟
8*اكتر شخص انصدمت بنتيجته ؟؟
9*اكتر شخص حسيت بحالك مقهور من نتيجته ؟؟
مين جاب اعلى معدل بعيلتكم (اذا كان ادبي مين واذا كان علمي مين اذا مو حابين ذكر الاسم احكوا (ولد/ بنت)؟؟

يلا بستناكم

1* كيف كان شعورك قبل النتيجة بيوم ؟؟؟
كنت متوسطة الحال يعني شوية بفكر قيها وشوية بنساها

2*مين الي بشرك بالنتيجة ؟؟
جوالي كنت عاملة خدمة على الجوال

3*كيف طلع معدلك ؟؟بصراحة
مش حلو 81 الفرع العلمي
4*كيف كان موقفك بعد ما سمعت نتيجتك ؟؟
طبعا اغمى عليا ولما صحيت لقت حالي بكمال اعدام

5*شو الي خلاكم تختاروا الجامعة ؟؟ والكلية الي انت فيها ؟؟
لانه انا بدي اتخصص علاج طبيعي ومش موجود الا بالزهر

6*شو كان موقف اهلك لما عرفوا نتيجتك ؟؟
ما بعرف لاني ما كنتش بوعيي

7*مين اكتر شخص فرحت له لما عرفت نتيجته ؟؟
حسام
8*اكتر شخص انصدمت بنتيجته ؟؟
صحبيتي هداية

9*اكتر شخص حسيت بحالك مقهور من نتيجته ؟؟
اسلام

مين جاب اعلى معدل بعيلتكم (اذا كان ادبي مين واذا كان علمي مين اذا مو حابين ذكر الاسم احكوا (ولد/ بنت)؟؟
طبعا كانت كل المعدلات متقاربة من بعض
انا اعلى وحدة بالعلمي
بنت خالو اعلى وحدة بالادبي 88

1* كيف كان شعورك قبل النتيجة بيوم ؟؟؟
كنت حاسة بقلق بس ما رضيت اظهروا قدام أهل البيت
2*مين الي بشرك بالنتيجة ؟؟
أبي الي حكالي نتيجتي
3*كيف طلع معدلك ؟؟بصراحة
بصراحة مو منيح بس الي بينجح بتوجيهي يشكر الله
80.3%
4*كيف كان موقفك بعد ما سمعت نتيجتك ؟؟
افرحت كتير وبعد هيك بكيت مع أهلي
5*شو الي خلاكم تختاروا الجامعة ؟؟ والكلية الي انت فيها ؟؟
تسهايل من ربنا واخترت تخصص الارشاد النفسي لاني بحسو قريب من نفوس الناس وان الشخص ما اشتغل في المجال أكد بيفيدو في حياته اليومية
6*شو كان موقف اهلك لما عرفوا نتيجتك ؟؟
فرحوا كتير وبكيوا معي
7*مين اكتر شخص فرحت له لما عرفت نتيجته ؟؟
صديقتي س
8*اكتر شخص انصدمت بنتيجته ؟؟
صديقتي ت وبنت عمي ف
9*اكتر شخص حسيت بحالك مقهور من نتيجته ؟؟
بنت اسمها مريم
مين جاب اعلى معدل بعيلتكم (اذا كان ادبي مين واذا كان علمي مين اذا مو حابين ذكر الاسم احكوا (ولد/ بنت)؟؟
أنا جبت أعلى معدل بالعيلة والنسبة إلي بعدي بالستينات





تحية معطرة بالورد أهديها إليكِ

وسلمت اناملك الذهبيه على ماخطته لنا
اعذب التحايا أقدمها لك

كاثرين

هههههههههههههههههههههههه
انتي اخوكي حملي عشان يبسطك وانا حملني وحطني بالاسعاف
يا الله شو بكرها هديك الايام

تسلمي البنت الجريئة ع مرورك
نورتي الصفحة يا كاثرين
دمتم كما تحبون

1* كيف كان شعورك قبل النتيجة بيوم ؟؟؟
قبل بيوم كنت مرتبكة كتير ..وبصراحة ما نمت غير ساعة وبهالساعة دقيقة اصحي ودقيق انام .. بصراحة جفت عيوني من كتر الدموع والبكي .. لاني من قبل النتيجة بخمس ايام ويمكن اكتر وانا ببكي من قلبي والله كنت خايفة اسقط بالفيزيا لانو يومها كانت الحالة النفسية عندي ضاربة بس الحمدلله ..

2*مين الي بشرك بالنتيجة ؟؟
اجاني مسج من شركة توجيهي .ps

3*كيف طلع معدلك ؟؟بصراحة
بصراحة الحمدلله ع كل حال .. كان منيح .. لاني انا كانت حالتي النفسية مدمرة بتوجيهي .. واكيد انا اريد وربنا يريد والله يفعل من يريد .. بس بالنسبة لغيري منيح كتير وانا علمي ..

4*كيف كان موقفك بعد ما سمعت نتيجتك ؟؟
عيطت والله .. وماما زغرطت هه .. بس كنت خايفة كتير ليكون المعدل مش صح بالمسج .. لما قرأت المسج عيطت وارتبكت كتير ولما عيطت فكروني اهلي راسبة هههه ..

5*شو الي خلاكم تختاروا الجامعة ؟؟ والكلية الي انت فيها ؟؟
بالنسبة للجامعة انا حباها وفيها كتير من صحباتي
وبالنسبة للكلية : فبصراحة ما كان ببالي افوت طب مخبري خالص .. كنت بدي افوت تربية انجلش .. بس اكيد ربنا وفقني بهيك واحلي الطب المخبري من التربية .. بالاخير بنصير دكاترة ..

6*شو كان موقف اهلك لما عرفوا نتيجتك ؟؟
فرحوا والله .. لانهم كانوا متوقعين اني اسقط بالفيزيا .. وفرحوا اكتر لاني جبت اكتر من اخويا ..

7*مين اكتر شخص فرحت له لما عرفت نتيجته ؟؟
انا ههه .. وبنت عم بابا لاني بعتبرها زي اختي ..

8*اكتر شخص انصدمت بنتيجته ؟؟
ابن خالتو .. لانو كان من الاوائل ..

9*اكتر شخص حسيت بحالك مقهور من نتيجته ؟؟
ابن خالتو ..

مين جاب اعلى معدل بعيلتكم (اذا كان ادبي مين واذا كان علمي مين اذا مو حابين ذكر الاسم احكوا (ولد/ بنت)؟؟

اعلي معدل : بنت عم بابا وكانت علمي .. وانا باجي بعدها بالترتيب ..

والله زكرتيني ايام مأساتنا بتوجيهي .. وانا بكتب قعدت ابكي والله هههههه الله يسامحك ههههههه ..

يسلموووووووووووووووووووووووووووووووووووووووووووووووووووووووووووووووو

يسلموا مرمر على المرور
نورتي الصفحة
واكيد الجامعة ما بتحلى بدونك

1* كيف كان شعورك قبل النتيجة بيوم ؟؟؟
كنت منهارة تماما من الخوف ماجيب النسبة الي بدي ياها او حد يفوتني
2*مين الي بشرك بالنتيجة ؟؟
جوالي الخدمة
3*كيف طلع معدلك ؟؟بصراحة
مش حلو او(غير المتوقع بتاتا)89.9
4*كيف كان موقفك بعد ما سمعت نتيجتك ؟؟
فكرت بالانتحار وعيطت وصوتت وليش وكيف والف سؤال بعدين حكيت الحمدلله علي كل شي نصيبي بالنهاية

5*شو الي خلاكم تختاروا الجامعة ؟؟ والكلية الي انت فيها ؟؟
كنت ناوية من قبل النتيجة افوت قسمي والمعدل ساعدني
6*شو كان موقف اهلك لما عرفوا نتيجتك ؟؟
انهارو اكتر مني
7*مين اكتر شخص فرحت له لما عرفت نتيجته ؟؟
بصراحة ماكان اول يوم الي مزاج اعرف نسب حد
بس نسبة فرحتني صحبيتي اسما واسلام وغديروسمر
8*اكتر شخص انصدمت بنتيجته ؟؟
صحبيتي حورية
9*اكتر شخص حسيت بحالك مقهور من نتيجته ؟؟
ابن عمتي لانو كان بيستاهل اكتر بكتير بس ماساعده حظه
مين جاب اعلى معدل بعيلتكم (اذا كان ادبي مين واذا كان علمي مين اذا مو حابين ذكر الاسم احكوا (ولد/ بنت)؟؟
الادبي بنت 94
العلمي انا 89.9

كتير حلو الموضوع ومن الجيد انو الواحد يتزكر توجيهى لانو مو زمان طالعين منه بما اننى سنة اولى وكتير بحب اتزكه لانو كانت اكبر فرحة عندى