هيك هتعرف ازا انتا بتحضر مسلسل مصري او لاء

هيك هتعرف ازا انتا بتحضر مسلسل مصري او لاء

لما يجي البطل يضرب بوكس .. بيطلع صوت الطبلة بعد ما يضرب بخمس دقايق

*******
لازم يكون في قصة حب هبلة و يتجوز البطل من البطلة في الاخر

*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك اللي ينفتح فجأة علي مصراعيه
وبتلاقي البطلة في الفيلم مصيّفه

*******

عندما يكون البطل مريضا وتقدم له البطلة حبة الدواء مع كوب ماء وبعد ان يبتلعها تسأله البطلة فورا: هاه عامل ايه دلوقتي؟ المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟

*******
عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه

*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى

*******
العبارة الساذجة الشهيرة اللي تصاحب مشهد القبض علي المجرم: مفيش جريمة كاملة.. أنت فاكر انك هتهرب من البوليس بعملتك دي

*******
عندما يسكر البطل فتجده يصب كوب ممتلئ علي اخره من زجاجة فاضية
بيسكر بعصير قصب

*******
عندما يخرج الطبيب من غرفة العمليات ويرد بواحدة من ثلاث جمل

للأسف اضطرينا نضحي بالجنين
شدو حيلكوا يا جماعة
العملية نجحت بس مش هتقدروا تشوفوه دلوقتي

*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا
ويخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني

*******
عندما يصاب البطل برصاصة في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي

*******

عندما تتناول الابنة الفطار وهيه واقفة وبتاخد لقمة سريعة فتقولها الوالدة ما تفطري كويس يابنتي فتقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء

*******
عندما تجد مقر العصابة مليان بالقش والبراميل الخشبية والحبال

*******

عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو

*******

عندما ينزل البطل أو البطلة من العربية المرسيدس ويطلعوا البيت من غير ما يقفلوا شبابيك العربية
أو يقفلوها بالمفتاح

*******
عندما يضرب البطل أعدائه بالبوكس فتسمع أصوات انفجارات

*******

ولما يكون اتنين قاعدين ف شقة خصوصا لو شقة البطلة والباب خبط ..يقوم البطل يسأل البطلة : انتي مستنية حد ؟؟ ... كأن الباب مابيخبطش غير لما يكون ف حد واخد معاد ..

*******

وحكاية التلفونات برضه ...تلاقيه بيطلب رقم ع الموبايل وعلى طول يحطه على ودانه ويقول ألو ... مححسني انه بيتكلم بكوز صفيح مربوط فيه حبل!!!!!!!

*******

ومن أشهر عبارات رجال الشرطة : سلم نفسك يا دنجل ...المكان كله محاصر ...مفيش أبدا داعي للهرب !!!!! ايه الأدب والأخلاق دي!!!!!!!!!!!

*******

لا وكان في العبارة المشهورة جدا : أي حركة هاضرب ف المليان !!!!!اموت واعرف ايه المليان ده

*******

لما نشوف الدكتور خراج من العمليات وبيقول "احنا عملنا اللي علينا والباقي على ربنا"

*******

لما نلاقي الممثل طالع من الكليه من وسط زحام النتيجه وعامله نفسه مكشر وحزنان وتروح البطله تساله"هاه عملت ايه" يروح فجاه ضاحك عليها ويبشرها باالنجاح

*******

الجمله الخالده اما تيجي توقف تاكسي وتقوله ( اطلع يا اسطي ) والاسطي طبعا يطلع

*******

لأ وكله كوم والحته الجامد اوى اللى بتيجى فى معظم الأفلام اما واحد يضرب البطل بالنار فالبطل يرد عليه ويقوله (قتلتنى يامجرم)

*******

فى الأفلام الدينيه تلاقى الناس كلهم مكشرين و قافشين طول الفيلم

*******

الممثله بتصحى من عز النوم حاطه مكياج و مسرحه شعرها كمان !!

*******

البطل بيجوز البطلة و لازم يجيبوا مشهد ان البطلة حامل و جابت ولد سمته احمد

*******

فى الافلام الاكشن المصرى لازم البطل يطحن اى حد يأف اصاده و فى أخر الفيلم يجيلوا الوحش الكبير اللى يخلى البطل ينزل دم من كل حتة فى جسمه و بعدين فى ثانية واحدة يقوم ضربه بوكس يقوم الوحش ميت أو زعيم العصابة يموت!!!

*******

البطل ياخد براءة من تهمة ظلم والدوله تكافئه على اللى عمله (على انه قتل زعيم العصابة طبعا!!!!!!)

*******

تحصل خناقة بين البطل وراجل في القهوة تلاقي كل القهوة قامت تضرب في بعضها وكل واحد شال كرسي وضرب اللي قدامه (بتحصل والله كتير جدا)

*******

ان أي فيلم لازم يبقي فيه بيرة وخمرة وخاصة الأفلام الجديدة مثلا حرب اطاليا و ظرف طارق لزوم الرواشة يعني متلاقيش الأبطال قاعدين مع بعض الا اذا كانوا بيحششوا وبيشربوا بيرة مينفعش حاجة ساقعة مثلا.

*******

انك تلاقي البوليس مشغل السارينة وهو جاي من بعيد عشان يعرف العصابة يقوموا يلحقوا يهربوا

*******

ان لما واحدة تزعق لواحد في الفيلم وهي واقفة قدامه يقوم رازعها قلم علي وشها فتقوم تبصله بحنية ..

*******
ان البطل او البطلة ينزلوا من الشقة ويسيبوا الباب مفتوح ..

*******
.
ان اي حد يجي يخبط علي الباب يفتحوا علي طول من غير مايبص من العين السحرية وطبعا بيبقي هربان من العصابة او البوليس .. فطبعا لو العصابةهيدخلوا يقتلوه وهكذا

*******

ان الممثل يركب التاكسي ويقول للسواق اطلع ورا العربية دي يروح طالع والسلام

*******

لما تلاقي البوكس او الشلوت بيضرب بعديه صوت الطبلة بخمس دقايق ..

*******

لما ييجي عساكر الشرطة ينزلوا من العربية يقعدوا ينطوا في مكانهم ويقولوا هووووب هووووووووووب

*******

لما الظابط يقول للمجرم مش ناوي تبطل عمايلك دي يامجرم أديك وقعت في شر أعمالك خدوا علي البوكس ياعسكري..

*******

إن البطل لازم يحب واحدة حلوة وخلاص وتلاقيها معجبة بيه ومش قادرة تسيبه حتي لو هوا شحات و مش لاقي ياكل
أو قصير تخين رفيع أهبل صايع ( بوحة -الناظر-بلية ودماغه العالية -غبي منه فيه-أبو العربي-صعيدي في الجامعة الامريكية وكتير)

*******

إن حسن حسني يبقي موجود في الفيلم شوية شوية هيطلع في أكياس الشيبسي

*******

ان البطل لو انسان محترم وفي حاله يبقي أهبل ومش متحكرت ومشافش دنيا يبقي لازم يشرب بيرة ويحشش ويلبس كاجوال ( ظرف طارق -عيال حبيبة- صعيدي في الجامعة الامريكية) ويفضل كده مش مثلا يتوب .

*******

مثلا لو مشهد واحده بتخلف تلاقيها عامله فووووووول ميكب و راسمه عينيها و بعد ما تخلف تلاقيها مش عرقانه و لا الميكب علي الاقل ساح من علي وشها نيتجه الانفعال

*******

العيل لما ينزل يبقي بشعر مع انه الطبيعي يكون من غير شعر في دماغه بيبقي قرعه

*******

واحده صاحيه من عز النوم ... شعرها مش منكوش و الميكب مظبوط ميه ميه ...

*******

الشقق علي طول في الافلام العربي نظيفه و متستفه ... و دايما اللي قاعدين في البيت لابسين هدوم الخروج و عاملين شعورهم ... و الحقيقه المره اننا نجلس في المنزل و في بقع فول و طعميه و مسقعه علي هدومنا ...

*******

لازم يكون حته فيها رقاصه في الفيلم ...

*******

لازم تكون النهايه ان البطلة تتجوز البطل حتي لو معفن و ريحه و شكله حمار مش مهم الحب فوق كل حاجه ...

*******

اى مشهد فيه محاكمة لازم المحامى يعرق و يتضايق و يحبط وفجاة يدخل المحكمة الشاهد الوحيد ع الجريمة و يقلب كل الموازين والبطل ياخد برائة ... كل الى فى المحكمة يقول يحيى العدل

*******

cheers

يسلموو عاشق الازهر
يعطيك العافية
تحياتي

ههههههههههههههههههههه

هههههههههههههه

هههههههههههههه

» انتا حبيبى
» قحمش انتا بلاردن
» اختبر نفسك هل انتا عصبي ام لا
» انتا تصنع قيمتك بنفسك
» انتا وانا ... جأوبني من انت .........واسئلني من أكون ؟؟؟؟؟؟