هادا اليوم بدي اقولكو كيف نعمل قلاية بندورة
اوي اشي لوازم الاكلة
- بندورة
- فلفل
- ملح
- توم ازا بدك
- زيت قلي وفي رواية سيرج
- غاز
- ولاعة او كبريتة
- طوى وفي رواية قلاية
المقادير
- اربع حبات بنضورة حمرا مستوية منيح يعني محدش يجيب بنضورة مش مستوية
- 70 قرن فلفل احمر
- 10 قرون فلفل اخضر
- درحة ملح
- درس توم واحد وازا بتحب التوم اكتير خليها كيلو توم
ملاحظة
لازم الفلفل يكوون اكتر من البنضورة
وبعدين قلنا فلفل احمر عشان يديك لون زي البنضورة
يعني هي قلاية فلفل مش بنضورة
بس بنطعمها بشوية بنضورة
وممكن تعملها منغير بنضورة
فيع معاي عاد
طريقة التحضير
بتجيب القلاية وبتغلسها منيح
بعدين بتنشفها منيح
وبعدين بتحط فيها سيرج او زيت ككوز او زيت قلي الي يريحك
وبتولع الغاز بالولاعة او الكبريتة
وبتحط الطوى على الغاز
البنضورة المفروض انك تكون مقطعها وقبل متقطعا ابتغسلها
ونفس الاشي بتعملو مع الفلفل بدك تقطع نصوو وتسيب نصو علشان يطعم في الاكل
بعد السيرج ميقدح
بتطرش البنضورات في السيرج
قبلها ازا بدك ممكن تحط الفلفل وتسفحة شوية ازا بدك ازا بدكاش عادي يا كبير والطبخة صحيحة
بعدين بترشق الملحات
وبتسيبها شوية على الغاز
شوف عاد وركز
اهم اشي انك متحرقهاش
يعني لما البنضورات يدوبو بالقلي بتخفف النار شوية
بعدين يا كبير بتشوف انت وضعك كيف بدك اياها
ناشفة ولا مش ناشفة
اهم اشي تتاكد ان البنضورة استوت
وان الملح على القد
لا تزود ولا تنقص
طريقة الاكل
بتقلب الي انت عملته في الطوى بتقلبة في الصحن
وبتكون طبعا جايب الخبز
بتحط الصحن في الصنية ازا في طاولة اكل في المطبخ بتحط الصحن على الطاولة
لازم داير الصحن من برة يكون فلفل مشكل
علشان تفتح شهيتك
بالخبز عاد بتغمس وبترمي الخبزة في تمك
وبتلحقها بقرنين فلفل قبل متمدغ
بعدين بتبدا عملية المدغ
اطحن منيح خود وقتك ما حدا بجري وراك
ابلللللللع
عيد الخطوة لحد متشبع
بس سهلة علىالاخر
ملاحظة
متنساااش تغسل ايديك قبل الاكل
وبعد الاكل تغسل ايديك وتفرشي سنانك
ومتنساااااش يخو تشمر
وضروري تحط جمبك مية عشان تطفي الدنيا الي حتولع في تمك وانت بتاكل
اللهم اني بلغت
اللهم فاشهد
موضوع: قلاية بندورة قلق 
الإثنين سبتمبر 01, 2008 5:05 am
