نصيحة لكل من يريد التسجيل بكلية الدراسات المتوسطة

مرحبا شباب وصبايا المنتدى الغالي وطلاب وطالبات جامعة الازهر التي كنت اكن لها كامل الاحترام

اليوم بصراحة حابب انصح كل الطلاب والطالبات الي بيفكرو بالدراسو بالكلية في الجامعة
والنصيحة بجمل
انا طالب متخرج جديد من الكلية لسا (قيد التخرج) انا ومن وجهة نظري ومن دون كتر كلام ومن غير ما اذكر الأسباب الي خلتني احكي الكلام هادا انو قعدة البيت احسن من انو الواحد يفكر يدخل دبلوم في كلية الدراسات المتوسطة بصراحة بصراحة ما فيها اي فايدة ولا الها مستقبل
انا دخلت على كلام ناس بالجامعة وندمت اني دخلت فيها يعني من اخر بتمنى اني كنت ضلتني قاعد بالبيت احسنلي واشرفلي لانو دراسة فاشلة وادارة فاشلة وكل مافيها فاشل والكلام هادا في حياتو ما طلع من لساني لا تفكرو اني حاقد او كاره للجامعة انا كنت من اكبر المدافعين عن الازهر بالصح وبالغلط لاكن امممممممم على الفاضي بعد ما اكلت الخازوق انا ضيعت من عمري سنتين ورا الجامعة على شان ادرس على شان اتعلم وبالاخر على الفاضي والله لو قضيت السنتين هادول بالبيت كان اتعلمت احسن من الي اتعلمتو بالجامعة انا هلقيت يقال اني خريج طبعا بستنى بالعلامات من اكتر من شهر !!!! ( والله لو بيصنوهم صناعة )واليوم كان موعد الامتحان الشامل الي بيخلني اقدر اكمل بكالوريس طبعا ما بقدر اقدم الامتحان الشامل غير لما يكون نازل كل علاماتي يعني اكلت خازوق بهالموضوع وبالاخر بسأل ايش الحل قالولي استنى لموعد الامتحان الشامل الجاي قلتلهم متى قالولي السنة الجاية طبعا !!!!!!!!!!يعني بدي شوفو قديش اخد الموضوع مني وقت احسبو معي :
سنتين دراسة بالكلية+سنة انتظار ()وفي حالة انو انا ستنيت وقدمت الامتحان ونجحت فيي بدي اروح على اي جامعة بتقبلني اكمل فيها راح يحسبولي من ال 72 ساعه الي انا درستهم بحدود 30 ساعة)يعني نقصو من السنتين دراسة سنة بصير مضيع4سنين من عمري ولسا اذا كملت بالبكالوريس بدو البكالوريس مثلا بدراستي بدو 5 سنين يعني بدي ادرس منهم 4 سنين يعني بالاخر ضيعت على حالي بدل 5 سنين دراسة بصير مضيع 7 سنين دراسة طبعا هادا في حال كنت مجتهد بالكلية وخلصت الدبلوم بسنتين بالزبط وخلصت البمالوريس ب 4 سنين من غير اي تأخير من غير اي ظروف
وانا هيك بكون حكتلكم اشي بسيط عن عيوب كلية الدراسات المتوسطة بدون ما ادخل بعيوب الادارة ,المنهج ,التعامل من الدارة للطلاب, الامكانيات المقدمة للطالب,المعامل وما ادراكم ما المعامل يعني من اخر نصيحة مجرب ابعدو عن كلية الدراسات المتوسطة لانها كلية الهدف الاول منها الربح وليس التعليم وتخريج طلاب اصحاب مستويات تعليمية
وهادا نصيحة مش مجرب لا هادي نصيحة متخوزق
وياريت ايامي حد نصحني بالنصيحة هاي الي ماكنت بعرفها وماعرفتها غير ما خلصت
وبالنهاية
بالتوفيق للجميع

تسلم على النصيحة

احبطتنى انا خلصت سنة اولى تمريـض وغير هيك ما فى امل انه يعترفو فينا مـشان نقدم امتحان المزاولة اللى هو بالاصل ممنوع نقدمو لانو مو معترف فينا
بعين الله
ما علينا الا نوكلها ع الله

شكرا على النصيحة

اهاا مشكورة كتير

والله خوفتينى كتير انا لسه بدى ادخل على الجامعة يعنى لسه سنة اولى وكمان تمريض

الله يستر يارب

مشكورة كتير الك

والله احبطتني كثير

لسا انا سجلت جديد تمريض في الجامعه وبستنا امتحان القبول
بجد بجد بجد احبطتني على الاخر
بس يمكن السبب اخي التخصص اللي انت كنت فيه؟؟
بس لو نعرف شو نوع تخصصك كان؟؟

ياشياب انا بدرس تمريض
ونوكلو علي الله
وماتوكلوها الا لله وبس

يعنى اى سنة انتاا

واحكيلنا كيف جو الدراسة بكون وكيف الاساتزة والامتحانات

مشكور كتير

مرحبا للجميع
صراحتنا انا لما اتفاجئ من كلام الاخى الكريم

هناك كلام كتير يقال
انا عن نفسي صراحتنا ما حصل هالشيء معي
انا بدرس صحافة واعلام بس اجلت اشوي
بس بعرف شباب دفعتي خلصو وفي ليا صاحب بكمل هلأ بالاقصى
وفي شب طلع يكمل بجامعة اكتوبر
وما تعوق بالشامل بس الله اعلم شو كانت الظروف هالسنة
وفي شباب ما عملو شئ بالنهاية كل واحد بياخد نصيبه
في تأخرو بالشامل وفي ما تأخرو

يعني انا حصلت معي تأخرت علامة من علاماتي شهر
وبالنهاية اكتشفت انو الاستاذ اجلتو جلطة
وكان مريض والاوراق والعلامات عنده

وصراحتنا ما شوفت منها اي خلل غير بسيط بالادارة
والحمد لله سنة عن سنة صارو يهتم للافضل
حتى الاساتذة كويسين كتير بغض النظر عن استاذ او اتنين
وبكفي انو نظام الرسوم من اسهل نظام الجامعات يعني انا سجلت
وقدمت امتحانات وليسا ما دفع وباقي الفصول كنت ادفع النصف
الرسوم عليك عليك بس بالنهاية ممكن تخلص وانتا دافع نص
وتروح تدفع باقي الرسوم بعد ما تخلص
بخلاف باقي الجامعات الرسوم كاملة ...
له مميزات وقليل العيوب
بس الحمد لله انا مرتاح فيها وحخلص الفصل هاد ...

تحياتي للجميع

» الاعلان عن الطلبة المقبولين بكلية الدراسات المتوسطة
» نشرة للتعريف بكلية الدراسات المتوسطة في جامعة الازهر
» وظائف شاغرة – محاضر غير متفرغ بكلية الدراسات المتوسطة
» تعليق قسم الصحافة والعلاقات العامة بكلية الدراسات المتوسطة حتى اشعارا أخر...
» مجلة *الخبر* الالكترونية تصدر عن قسم العلاقات العامة بكلية الدراسات المتوسطة