ليه خايف

موضوع: ليه خايف الخميس سبتمبر 24, 2009 2:56 am

.. ليه خايف ..

شايف بعينى الخوف خايف

مااكون خايف لا أكون شايف

ياخوفى لايكون مش خايف

وازاى يخاف مدام شايف
شباب تايه ومش شايف
شباب خايف يكون شايف
مهو لو يلاقى في عيني الخوف
مكنش خاف مدام شايف
امتى بس هييجى اليوم
أشوف بعينى شباب شايف
شباب معدش يشيل في هموم
شباب حقيقي ومش زايف
يعيش شايف يعيش عارف
فى وسط الخوف ومش خايف
عشان شايف
ساعتها تشوف الخوف ملهوف
عايش مرعوب تايه مالخوف
ويمكن كمان يموت خايف

سألت فى يوم عيوني .. راحت فين دموعي
ردت عليا وقالت .. أهي جاهزة والحزن جوايا بايت
بص حواليك هتعرف .. وقولي ليه عايش خايف
بصيت حواليه فى حيرة .. لقيت كل اللى حواليه نصب وسرقة وقتل وغيرة
بقيت واقف مذهول ومستغرب .. كأني ماسك حبل فيه شوك ومتكهرب
قلت لية ده واقف بيكذب وده له بيسرق ولية ده واقف مكسور وبيبكي وعايز يهرب
إحترت وإحتار الدليل معايا .. وجريت مبقتش عارف أخبى اللى جوايا
اللى جوايا بقا بالكوم وكتير
وجريت وجريت وجريت .. زى ما يكون فى السجن أسير
ايه اللى بيحصل ... ايه اللى بيدور
ليه الناس بقت على بعض بتلف وتدور
تعاويذ وأسحار وكلام معسول وناس بتلف ببخور
فاكرين البركة معاه .. يقولولو أدينا من بركتك
هنا يقولهم خدو يا مجانين .. الغش بقا بالكوم
الناس صدقته ووصلت معاه لبيع الهدوم
هدمة العيل اليتيم .. وطرحة الست العجوز
هاتولى هنا رمل من سينا .. وادبحولى الفراخ بالجوز
فاكر أن الفرخة لسه بقرش صاغ .. فاكر زى ما الناس بتقول
زمان الفرخة كانت بتلات رجول
ماهم يا محمد ويا محمود الجنيه عوموه
وجابوا الشنطة بتاعة عمو السيد وحطوه
وقالوا يتحفظوا علية لحد ما ييجي الوقت ويدمروه
أصل الورقة أم ميه مبقتش تجيب حتي أزازة الميه

ليه يا قلبي خايف
آه لو تتكلم وأسمعك
خايف من الناس والدنيا
خايف من أيام انت مش قدها
ده حتى اللى راح خايف منه
خايف من قلمي ليخونني
ويقول على اللى جوايا ويبين ضعفي
خايف لأموت وأنا قلبي لسه بيدق
بضربة قاضية من قلب مبيرحمش
خايف عينى تفضل صاحية ومتنامش
ده أنا حتى خايف أقول انى خايف
ليبان فى لحظة ألمى ويأسى
وهتبقى لحظة هندم عليها
لانى لازم أقوى بعديها
وأتمرد على شبح الخوف
وأمحى ذكرى كان لازم فى يوم اطويها

سألتك يا قلبي عن الحب
ولكنك قلت سراب
أخائف انت من الحب
أم خائف انت من العذاب
إذا كان الخوف يملأك
من فضلك قل لي الأسباب
الحب كجيش التتار
يدمر من دون ألباب
قطعوا شرياني من جذرِ
ونهشوا لحمي كالكلاب
لماذا تبكي يا قلب قل لي
ألم يتبقى لك أحباب
بلى كان لي وترً
كان يغشى عزفهْ الأحزاب
من هم يا قلب قل لي
وماذا فعل هؤلاء الأسراب
هم من يظنون أن الدنيا تراءت لهم
في يدهم كلمع آل واكتتاب
لقد مزقوا كتابي
وعلى رأسي حطموا الباب
عما تتكلم يا قلب قل لي
وعما يتحدث هذا الكتاب
يتحدث عن كلمة الإخلاص
وعن شئ اسمه حارس الأحباب
كان يحرق كل خائن
وكان فوق رأس الحبيب شهاب
لا تخف سوف أحرسك يا قلبي
وسوف أضع على وجهك نقاب
بل اتركني اخرج من جسدك
فعلى الحب الآن أنا أصنع انقلاب
لن يكون انقلاب حرفي
بل سيكون يوم الحساب
لمن خان ولمن طعن
ولن ترقد أرواحهم فوق السحاب
أنا لا أرى عن الحب شيئاً
فكل ما أراه أمامي هو الضباب
فلن يكون الحب صورة
ولن تكون المشاعر ألعاب
بل ستكون الدنيا جهنم
وستكون الخيانة لهم العقاب

.. النهاية ..

موضوع: رد: ليه خايف الخميس سبتمبر 24, 2009 6:31 am

يســــلمو ابن الاردن
كلمـــات رائعة
دمت مبدعا
...

موضوع: رد: ليه خايف الخميس سبتمبر 24, 2009 12:31 pm

الله يسلمك ع مرورك الرائع

موضوع: رد: ليه خايف الخميس سبتمبر 24, 2009 10:42 pm

ابن الاردن
موضوع حلووو كتير
يسلموو خيووو لمجهودكـ
ما تحرمنا من جديدكـ
تحياتى الكـ
.
.

موضوع: رد: ليه خايف الجمعة سبتمبر 25, 2009 1:37 am

كلمات رائعه واكثر

سلمت اناملك الراقيه على هذا النثر الراقي

ابدعت واكثر

تقبل مروري المتواضع

تحياتي لك
نجم الليل

موضوع: رد: ليه خايف الجمعة سبتمبر 25, 2009 4:33 am

كلمات فى غايت الابداع
أخي أبن الاردن
تحياتي

موضوع: رد: ليه خايف الجمعة سبتمبر 25, 2009 5:13 am

الله يسلمكم ع مروركم

موضوع: رد: ليه خايف الجمعة سبتمبر 25, 2009 5:14 am

يسلموو ابن الاردن ع الكلمات الرائعه

دمت مبدع بما يفيض به قلمك

تحياتي الكـ

موضوع: رد: ليه خايف الجمعة سبتمبر 25, 2009 5:18 am

تشرفت بمرورك الطيب

موضوع: رد: ليه خايف الجمعة سبتمبر 25, 2009 5:19 am

يسلمو على هالكلمات الرائعة ابن الاردن

موضوع: رد: ليه خايف السبت سبتمبر 26, 2009 5:20 am

الله يسلمك حبيبي

» ياعم خايف عسيارته من الحسد
» خايف أسامح وأندم ... ما أسامحك ربي يحاسبني