قصة حب حقيقية لبنات اليوم

قصة بنات سعوديه عاشت بالحب حقيقيه::


(١)
كانت في يوم من الأيام بنت اسمها ساره وعمرها ثلاثة عشر سنه وتدرس في السنه اولى اعدادي تعيش في السعوديه
عند دخولها الإعدادي رافقت بنات مايحبون الدراسه وكثيرات الإستهبال والضحك وطبعا ساره صارت مثلهم(من عاشر القوم اربعين يوما صار منهم)
اهملت ساره دراستها ..


(٢)
حبت بنت اسمها افراح اكبر منها بسنه معاها بالمدرسه قالت إل زميلاتها انها تحب افراح وجلسوا زميلاتها ويقولون كلام وسب فيها هي وزميلاتها وطبعا افراح ماتدري قالت ساره ماأقدر اكرهها انا احبها قالتلها زميلتها هاجر حبي وحده غيرها عشان تنسينها..


(٣)
حبت ساره وحده كبرها وبنفس السنه بس بفصل ثاني اسمها شجون وصديقت افراح
وساره كانت تبغى تحبها عشان تنسى افراح بس لا حبتها حب جد وشجون دخلت قلب ساره ومر شهر على علاقتهم وساره ماقالت إل شجون ليش حبتها وشجون بادلت ساره نفس الشعور وسواليف ويطلعون مع بعض وكأنهم يعرفون بعض من سنين ماكأنهم من شهرين..


(٤)
مرت الأيام والشهور وطبعا ساره يوميا تكلم شجون واذا ماكلمت تكلم عليها شجون وبعد تسع إشهور تقريبا بالعطله طفشت شجون من ساره وتغيرت عليها (ياحرام ياساره وش هالحظ) وماتتصل عليها واذا اتصلت ساره اهل شجون يصرفونها حاولت ساره كل المحاولات تعرف سبب تغير شجون عليها ماقدرت وفي يوم ساره كان عندها التليفون اتصلت على بيت شجون وردت عليها وساره اكيد مشتاقه إل شجون وتجلس تقولها هالكلام الحلو اللي تعرفونه اكيد وشجون ردت عليها عادي وقالتلها نعم قالت شجون انا ساره حبيبتك وصديقتك قالت شجون ساره خلاص انسيني وإنسي كل اللي بيننا قالت كيف انساك ماأقدر قالت شجون خلاص انا طفشت حاولت ساره ترضيها بس ماقدرت قالت ساره عطيني وقت أفكر وإذا كلمتك مره ثانيه اقولك ردي
قالت شجون ومين قالك بكلمك مره ثانيه ويكون إبعلمك انا لو ادري انتي اللي متصله كان مارديت عليك..


(٥)
وبدت السنه الجديده وساره للحين ماردت على شجون ونجحت إل ثاني إعدادي وبثاني صارت احداث كثيره ساره بعد كلام شجون لها قالت ماأقدر اعالج الموضوع هذا الوحدي لازم اقول ال زميلاتي وقالت إل زميلاتها ايمان ومرام وهاجر ومانفعوها بشئ ومره سمعت ان زميلتها ايمان تحب حبيبتها الاولى افراح وانقهرت وزعلت عليها بس ماوضحت لهم انها زعلانه جلست تفكر وعرفت انهم سبوا افراح عشان اكرهها وماافرق بينهم..


(٦)
وأنتم تعرفون بالمدارس فيها انشطه ومره ساره هي وزميلاتها كانوا بالنشاط ومعلمة النشاط اللي فيه افراح ماحضرت كانت غايبه وافراح حطوها بالنشاط اللي فيه ساره وزميلاتها وجلست افراح عندهم وزميلاتي جلسوا يعلقون على ايمان وايمان استحت وتقطعت من الحيا راحت ساره إل افراح وأخذت رقمها
اتصلت عليها وقالتلها القصه انه حبتها وزميلاتها قالو اكرهيها القصه اللي تعرفون ومن بكرا بالمدرسه ساره جالسه مع زميلاتها بفناء المدرسه نادت افراح ساره قدام زميلاتها وزميلات ساره استغربوا وإيمان انقهرت راحت ساره مع افراح وجلسوا مع بعض طول الفسحه ولما ارجعت ساره إل زميلاتها عصبوا عليها وزاعلوها وساره طنشتهم قالت إل افراح وش سووا زميلاتها فيها نصحتها افراح وقالتلها روحي بكرا بالمدرسه راضيهم رفضت ساره وقالت انا ماسويت شي عشان اروح اراضيهم وكيفهم انا مااستفدت منهم بشي بس علموني الإستهبال وإهمال الدروس..


(٧)
وبعد كم يوم من علاقتهم قالت افراح إل ساره انا مستحيل احب بنت وساره قالت عادي اهم شي تكونين قريبه مني ومر شهر على علاقتهم وافراح قالت إل ساره إني حبيتك استغربت ساره كلام افراح قالت كيف حبتيني وانتي قايله مستحيل احب بنت قالتلها ماأدري بس دخلتي قلبي وساره فرحت كثير لأن افراح بادلتها نفس الشعور..


(٨)
قالت ساره إل افراح عن سالفتها هي وشجون (ولا تنسون ترى افراح زميلتها شجون معاها بنفس الشله)
قالتلها افراح خلاص انسيها وقوليلها نسيتك قالت كيف اكلمها قايلتلي ماراح ارد عليك قالتلها قوليلها بكرا بالمدرسه ومن بكرا بالمدرسه نادت شجون وقالتلها شجون انتي إلى الحين ملزمه إني انساك ماردت عليها شجون قالت ساره شجون انا خلاص نسيتك وقامت وتركتها وشجون بنفس اليوم دقت على ساره وقالتلها ساره انا كنت اتغلى عليك وما توقعت تقوليلي انا نسيتك وتكفين خلينا نرجع مثل اول وانسي اللي قلتيها لي اليوم ساره عشان طيبت قلبها وافقت وقالت خلاص انا نسيت اللي قلتيلي اليوم..


(٩)
وبدت العطله الصيفيه وساره نجحت إل ثالث وافراح إل أولى ثانوي ومن اول ماسافرت افراح صارت ماتدق على ساره وإذا دقت ساره ماترد عليها ولو ردت تصير معصبه رجعت افراح من السفر وتغيرت على ساره ١٠٠درجه عن اول وقالتلها افراح ساره وش رايك تكون علاقتنا صداقه بس ساره قالت عطيني وقت افكر عطتها افراح وقت وبعد كم ساعه اتصلت ساره على افراح وقالتلها انا موافقه وجلسوا شهر ماسمعوا اصوات بعض والمره هاذي ساره اللي طفشت مو افراح وقالتلها ساره خلاص افراح أنا ودي أنهي العلاقه قالتلها افراح ليش قالت لأن انتي صايره ماتدقين علي وتطنشينن قالت افراح لاتنهين العلاقه وأوعدك ترجع علاقتنا مثل أول وساره عجزت لازم تنهي العلاقه من اللي شافته وبدت تسبها هي واهلها وانهتها ونفذت اللي تبيه ورافقت ساره بنات ماشاالله عكس زميلاتها الأولات ممتازات ومن الأوائل ومهسترات وارتاحت معهم اكثر من زميلاتها اللي قبل ونجحت ساره إل اولى ثانوي ماشاالله بتقدير ممتاز من الأوائل عكس اللي قبل أول كان تقديرها جيد جدا والحين ممتاز..


(١٠)
بعد سنه ندمت ساره على اللي سوته بأفراح وحاولت تتصل عليها ماترد
ومره اتصلت وردت عليها وتغيرت وسوت نفسها غرور وتكبر قالتلها ساره افراح وش فيك تغيرتي كذا ماتوقعتك تردين علي بالإسلوب هذا قالت افراح بعد اللي سويته فيني وشلون تبغين ارد عليك حاولت ساره تراضيها ماقدرت وقفلت السماعه وعاشت ساره بسلامه من دون حب بنات والكل عندها واحد..


وأنا نشرتها للي يحبون وأبغى كل بنت تحب بنت تخليها صديقتها وقريبه منها بس ماتقولها انتي حبيبتي والمفروض البنت ماتحب بنت تحب ولد لأن حب البنت للبنت عذاب

اختيار موفق
كلام اكتر من رائع وقصة كتيييير رائعة نسيت نفسي وانا اقرأ بها
يسلمو كتير هالقصص عيون العشاق , احمد
بنت بلاد