قضية ساخنة جدا

تذكير بمساهمة فاتح الموضوع :

على طاولة الحوار

لا أريد أن أتحدث عن أمجاد وتاريخ العرب والمسلمين

لأننا درسنا ذلك في كتب التاريخ سواء في المدارس أو الجامعات أو المكتبات

أو قد نكون رأينا ذلك على الشاشات , فكلنا يعلم ذلك جيدا ,

ولكن ...

ما الذي حدث ؟؟؟

ما الذي قلب حال الأمة ؟؟؟؟

لا يمكن لأحد منا أن ينكر أن الأمجاد والتاريخ قد رحلت , وأنه لم يبق لنا شيء من ذلك,

الأندلس ذهبت , حضارتنا دفنت , والدولة الاسلامية زالت والحكام المسلمين أيضا رحلوا ...

برأيك


ما الذي غير حال الأمة اليوم ؟؟؟؟

وبصراحة أكبر

هل من لممكن أن يعود مجد الاباء والأجداد ؟؟؟؟

هل ممكن أن يتغير العصر ؟؟؟؟

هل من الممكن ألا يكون لأمريكا واسرائيل الهيمنة على العالم ؟؟؟؟؟

ان كان نعم

فكيف ذلك ؟؟؟؟؟؟؟؟؟؟؟


وان كان لا


فلم ذلك ؟؟؟؟؟؟؟؟؟؟؟





أرجو من الجميع المشاركة بكل صراحة

نحن لا نريد شعارات أو مجرد عبارات

بل نريد أن نناقش قضية هامة جدا

هي قضيتنا الان


أرجو التفاعل بالمشاركات الجادة

مرحبا ابو شفاء

نحنا هنا في بلادنا ما عنا الحاد فكري او علمانية

احنا بس ابعدنا عن الدين شويه او شويه كبيرة لكن مش لدرجة الالحاد

وكيف ما عنا صح ؟؟!!!

انا شايفة انا اكثر بلد عندها حرية ومتقدمة فكريا فعلا

اكثر حتى من امريكا اللي انا مش عارفة انتو ليش معتبرينها قمة التقدم مع انها قمة التخلف

من جميع النواحي

تحياتي لك ومشكور على المرور

انا قصدي لما تاجي تحللي وتحاولي تفهمي الواقع
ما راح تفهمي ليش ؟راح تلحدي من تصرفات الناس
الخاطئة !!!!!!!!

إخواني وأخواتي عودة جيل مثقف مهذب محترم وعودة جميع الصفات الحسنة به
ليس شيء بالمستحيل

لكن نحن لو أردنا أن نكون كذلك فنحن بإستطاعتنا ذلك وليس هذا من المستحيلات
لكن رفض ومنع هذا الشيء من الحصول هو منا وليس من شيء أخر

وقسما عظما أعرف قصة واقعية ملخصها أنا هناك طفل عندما عرف أن عبد الحليم حافظ قد توفي قال لأمه أريد الإنتحار قالت له لماذا قال لها من أجل الكثيرون الذين إنتحروا بسبب عبد الحليم فقالت له أمه لماذا عندما توفي الرسول صلى الله عليه وسلم لم يفعل الناس هكذا قال لها لأنه أنا وأغلب العرب أحبو عبد الحليم حافظ أكثر مما أحبو ذلك المسمى بمحمد بن عبد الله

مشكور ابن الاردن على المرور وعلى القصة القصيرة اللي حكيتها

واكيد مش مستحيل انا نحسن هالواقع المرير

وابو شفاء انا مو فاهمة ولا شي منك

وتحياتي لكم

جدك ألحد من الغباء الي بتعرضلو كل يوم ومش قادر
يفهم السبب الرئيسي وراه. مسلمين ومتخلفين واجانب
وع حد زعمكو كفار ومتقدمين

اها

معك حق طبعا , بس مو هادا معنى الالحاد

ومش معنى كلامك هدا انو الواقع مش ممكن يتغير , لا بل العكس

انتا بتحكي اللي انا بحكيه

في تصرفات غلط اه بس بدنا نعدلها

مشكور ابو شفاء

الالحاد في نظري نتيجة تصرفات الناس ,مش مع الله هدا مسلم فيه
وبعدين ايدي ع كتفك قولي كيف التغييييير ؟؟؟؟

اها ماشي

كل واحد يبدا بنفسه ومش ممكن يبدا الا اذا كان مقتنع انو بامكانه يغير

يعني خلي عندك امل

ومنو ولّد العزيمة والاصرار

وامشي على كتاب الله وسنة رسوله

وحاول اللي انتا قريب منهم تعديهم ( تنقل الهم العدوى ) بتصرفاتك الكويسة

يعني خليك قدوة لغيرك.

حاااااااااااول تعمل هيك

جربتها ومازبطت !!!!!!!!
اديني طريقة اكتر فاعلية باسم الاسلام طبعا !!!
انا مش راح حارب المجتمع لوحدي

اها

مرة كنت بحكي مع دكتور نفسي

بقولو الوضع هيك زهقني وانا قرفت الناس كلها وكل ما احاول اغيرهم ما بتزبط معي

قالي مو معقول وحدة عاقلة بتحكي هالكلام بقولو ليه

بيقولي من الجنون والهبل انك تفكري تغيري المجتمع , اللي بدو بيغير نفسو وبيكون قدوة لغيره

لانه اخر مستحيل ممكن يتحقق انك تحاول تغير مجتمع او ناس مو عاجباك تصرفاتهم

ولا شو رأيك ؟؟؟؟؟!!!

انا مش مضطر اغير اي حد هدول الناس بدهم الي يمشي مصالحهم
ما كان يكن وراح يضيربو الو تعظيم سلام !!!!!!!!!!!
الفكرة انك تجيبي نظام جديد وهدول الناس يستفيدو منو ويامنو
بافكارو ومنطقو اما انا اروح اكلم كل واحد مش راح خلص!!!

يا استاذي يكاد يكون مستحيل انك تغير الناس

وانتا مو مضطر تغير حدا من الناس

وكلامك عن النظام مزبوط

بس مين اللي بدو يحط النظام برأيك ؟؟؟؟

2% من الناس الخواص الي بيديرو الدول وهم المثفقتين والعلماء والباحثين
واصحاب رؤوس الاموال !!!!!!!! لازم يكون عندك هدول وكلهم يكونو
مامنين بالفكرة هدي وعندها سترين ما يسر عينيك ويبهج قلبك !!!!!!!!!

اها تمام

طيب كيف هدول بدهم يوصلو للحكم ؟؟

واذا وصلو

طيب ما بدهم مساندة من حدا ( اشخاص او مستشارين , منظمات , مؤسسات , دول .....الخ )

مهو اكيد ما حدا راح يسيبهم في حال.

يا اخي انتا معك حق في كل اللي بتقوله بس فكرتك صعبة شوي في عالم اليوم ادا انتا قاصد ان التغيير يكون على مستوى دولتنا بس

واكيد ما في عنا دوله عربيه ممكن تسيب امريكا وتمشي ورا اشياء بيعتقدو ( لنقص ايمانهم ) انها فاضية

انا رايي او اللي شايفاه انو الواحد يرجع للكتاب والسنه ويضع لنفسه مبادئ وفقا لتشريعات الاسلام

احسن له ويخلي ايمانه والتزامه نابع من قلبه

ما هو بالضبط المفترض عشان نحصل ع نتيجةلازم نبني المؤسسات الي في ايدها الادوات و هي الي راح تتبنى الافكار والاراء تبع التغيير ,احتمالية النجاح والفشل مش بيدي احنا مطلوب منا نخططونحاول نتوقع الاخطاء ونتفادها ,بعدين انا ما بحكي عن الايمان الفردي لانو هدا سهل وانما مجتمع كامل .
فااااااااااا في ظل نظام ممكن الامل يسيطر على الفرد لما يسمع عبارة ابدا بنفسك وبعدين
احنا بدنا نرجع للكتاب والسنة بس الطريقة مالازم تكون تقليدية بالمرة !!!!!!!لازمنا شي مميز

أبوشفاء والأميرة الحسناء يعني بتتوقع يصير جيلنا والأجيال القادمة أجيال غير متخلفة مع إحترامي الشديد للجميع
وهو مو من المستحيلات بس بعصرنا وجيلنا من المستحيلات
يعني شو بتتوقعو يطلع من هيك أجيال فارطة

الاجيال هدي عندها طاقة وهدا الي بيعنيني وبس !!!!!!!!!

عندها طاقة بس طاقتها لشو مستخدمتها لقلة الأدب؟

الشي الصح محظور او صعب فا طبيعي يتم اللجوء للغلط او ما تسميه قلة الادب

مساء الخير جميع الاعضاء

شو هالحكي؟؟!!

احنا الطاقة اللي عنا مو مستخدمة في قله الادب

قلة الادب هدي بتجي من شخص ما عندو طاقة بالعربي يعني فاضي مالو شغلة

لكن انا هنا بصدد الحديث عن اللي عندهم المقدرة على التغير يعني المثقفين

المثقف هو أول من يقاوم واخر من ينكسر

وبعدين اه نبدأ لوحدنا انا بأيد هيك شغلة وكل اللي حكيته ابو شفاء انا بأيده
بس يظهر عليك ما فهمت شو انا حكيت بالاخر

انا اليوم بالجامعة تعرفت على اشياء ما كنت بعرفها

وعرفت انو عنا ملحدين وعلمانيين فعلا بفلسطين وبغزة بس أكيد مش هم لوحدهم السبب في الي احنا فيه

يعني القضية مو حكايه انو احنا مسلمين ورجوعنا عن الدين هو اللي خرب البلد لا القضية اكبر من هيك بس هدا اكيد ما كنت بعرفه قبل

انا بعد اليوم صارت قضيتي مو انا نرجع امجاد العرب وتاريخهم لا والله انا هلا بدور كيف نرجع مسلمين

احنا عنا كثير ناس مسلمين وبيقول هدا المسلم انا مسلم وعندي اقتناع بالاسلام بس مش ميه بالميه

يعني عنا مسلمين مو مقتنعين بالاسلام

بدك الصراحة طبيعي انهم ما يامنو بالاسلام او يكون عندهم شك فيه
مش لانو المشكلة بالاسلام بالعكس ,ادا احنا بندعي انو الاسلام ينفع
لحياتنا فلازم نثبت هدا الشي لانو عوام الناس ما بياكلو من كترة الحكي
هم بدهم نظام يمشي حياتهم وللقيت الاسلام مهمش من قبل المسلمين
في حياتهم لانو مافي حدا يتبناه كمنهج ومرجعية !!!!!11111

لا والله يا اخي

عوام الناس هم اكثر الناس اللي بيامنو بالله وبيلتزمو بالاسلام \ اكيد مش الكل لكن الاغلبيه

لانو هم لو ما كانو مؤمنين ومقتنعين بدينا ما كان صبرو على اللي احنا فيه

هم مؤمنين بالقدر وبقضاء الله وما الهم في الدنيا غير دينهم واسلامهم

والله ما كنت عارفة انو القضيه كبيرة لهدي الدرجة

انا كنت عايشة بمدينتي وبعرف اللي فيها بس هلا انا طلعت برا المدينه الي انا فيها

يعني انا هلا بالجامعه وشفت اشياء انا ما كنت بعتقد انها موجودة ببلدنا

انا اليوم شفت انو عندنا معتقدات غير الاسلام وديانات غير والناس الها مبادئ بعيدة تماما عن الدين الاسلامي

بدك الحق بعد اللي سمعته اليوم ما بعرف شو احكي ,لانو الوضع اختلف عليّ تماما مو متل ما كنت متصورة

بس مش معناه انا ما بنقدر نغير للاحسن , لا انا عندي مبادئ ماشية عليها واني اشوف مبادئ الناس التانيه يمكن يقويلي مبادئي ويثبتني عليها ويخليني ادافع عنها واسعى لاني احقق اهدافي

لا والله يا اخي

عوام الناس هم اكثر الناس اللي بيامنو بالله وبيلتزمو بالاسلام \ اكيد مش الكل لكن الاغلبيه

لانو هم لو ما كانو مؤمنين ومقتنعين بدينا ما كان صبرو على اللي احنا فيه

هم مؤمنين بالقدر وبقضاء الله وما الهم في الدنيا غير دينهم واسلامهم

والله ما كنت عارفة انو القضيه كبيرة لهدي الدرجة

انا كنت عايشة بمدينتي وبعرف اللي فيها بس هلا انا طلعت برا المدينه الي انا فيها

يعني انا هلا بالجامعه وشفت اشياء انا ما كنت بعتقد انها موجودة ببلدنا

انا اليوم شفت انو عندنا معتقدات غير الاسلام وديانات غير والناس الها مبادئ بعيدة تماما عن الدين الاسلامي

بدك الحق بعد اللي سمعته اليوم ما بعرف شو احكي ,لانو الوضع اختلف عليّ تماما مو متل ما كنت متصورة

بس مش معناه انا ما بنقدر نغير للاحسن , لا انا عندي مبادئ ماشية عليها واني اشوف مبادئ الناس التانيه يمكن يقويلي مبادئي ويثبتني عليها ويخليني ادافع عنها واسعى لاني احقق اهدافي

الجميع بحكي إنو نسبة إلى بأمنو بالإسلام كثيرة بس عدد غير المسلمين أكثر من المسلمين على مرتين فما نتوقع يكون هناك مجتمع غير فاسد

السلام عليكم ورحمة الله وبركاته
أهم الأسباب هو بعدنا عن الدين ,وعدم تطبيق شرع الله عزوجل زقال الله تعالى:"ان تنصروا الله ينصركم ويثبت أقدامكم"
وأكبر دليل:رسولنا الكريم "صلى الله عليه وسلم"كان فردا واحداعند البعث وبعد ذلك أمن به الناس ورغم القلة نصرهم الله على أقوى الجيوش0