أجمل تعابير قلبي نضمها شعر فيك

أحب فيك الوقت لا غابوا الناس وأحب الناس لاصرت موجود

أشتاق لك والشوق نعمه الرحمن ولو كان الشوق غلطه فشوقي لك كل غلطاتي

أدري بس أنت ما تدري و أبيك تدري انك أغلى من عيوني الثنتين

أدل بيتك دون وصفٍ وعنوان و شلون أضيع سكتي وسط قلبي

أذوب فيك وأنت مهملني وألعب على نفسي و أقول ...! ألحين يكلمني

أرحم اللي ما يخاف إلا عتابك ما انحني رأسه لغيرك وانحنالك

أضحك مردك بيوم تواجه الدمعه إما على جيتي ولا علي فراقي

أقبلت مثل اللي يبشر بمولود واقفيت مثل اللي يعزي بغالي

أموت حسرة وقهرلو إنت تنساني.. وأرضى أعيش بسجن بس أنت سجاني

أن كان غرك في حياتك جمالك أنا يغرني قلب جرحته ولا طاح

أن كان غيري كاتب غلاك بسطور أنا نقشته بذهب ما تشيله كفوفك

أنا اللي شفت في و صلك عذابي و ذقت الذل من ذاك العذاب

أنا لي قلب ما يقسى ولي عقل ما ينسى ولي صاحب بدونه ما أسوى

أنا يا غالي ما أقسى ولا أنسى أنا سفينه كل ما ترحل ردها الشوق للمرسى

أنساك لحضه و أذكرك باقي العام حتى وأنا ناسيك نسيت وذكرتك

أوصيت منهو يحفر القبر و يذريني يكتب على النصب مات وله بكم حاجه

أول قصيدها قلتها يوم شفتك وآخر قصيده قلتها يوم فرقاك

إذا الشعب يوما أراد الحياة فلا بد أن يستجيب القدر

يلي من طبعك الوفاء جازي قلبي بحنانك وحبني مثل ما أحبك ولا تتعبني

إذا انتهت أيامنا فتذكري أن الذي يشتاق لك في الدنيا أنا

إلا العيون ابخل بها ما قدر أعطيك وش فايدة دنياي من دون شوفك؟

إن الحب هو الحياة و أنت حياة قلبي,أحبك بكل المعاني يا دواء ما أعاني

إن العيون التي في طرفها حور قتلننا ثم لم يحيين قتلانا

إن قلت أحبك مابها أي تجديد بس الجديد إن الغلا بخافقي زاد

إن كان قدري في عيونك قصيدة عديني أجمل ما قريتي من أبيات

إن كان قصدك من تمنعك تشويق .... شوقي لك أكبر من تصور خيالك

إن هواك في قلبي يضيء العمر إشراقا سيبقى حبنا أبدا برغم البعد عملاقا

ابشر بعزك لو تبي الجدي وسهيل أنا خويك لا أدبر الوقت وافي

احبك ايه نعم واهيم بسحر نظراتك ولجل حبك أقول تهون و تقبل تحياتي

احرص على اللي دايم الدوم شاريك و أحذر من اللي لاقسى الوقت باعك

اشتاقلك مع طلعة الصبح واسهل شوق اليتيم الي نسوه القرابه

اشتقت لعيونك وصوتك ونجواك واشتقت لظروفك ولو هي عنيده

اقعد واشب النار واذكر وليفي وبحجة الدخان ابكي على كيفي

الأم مدرسة إذا أعددتها أعددت شعباً طيب الأعراق

الحر لامنه تبرقع ترى ضاع وألا أنت لا تبرقعت ضعنا

الخير بوجهك متى ما رحت راح الخير ما علموك وش كثر ضايقني فراقك

السنه فيها فصول أربع تمر والعمر مثل السنه و أنت الربيع

العطا و الوفا والجرح وأسلوبه صدق غالين لكن جرحك أغلاها

العلم يرفع بيتا لا عماد له والجهل يهدم بيت العز والشرف

الغلا لك بقلبي والضمير مخزون بداخل أعماق جوفي عشق بالدم ذاب

القلب يجبرني عليك أنت بالذات ولا العرب واجد وغيرك مزايين

اللي يبيني يمه الروح تنساق واللي سلاني عنه القلب سالي

الليل من دونك ترى شين ومخيف وشلون اقضي تالي الليل دونك

الموت ما هو طعنت السيف والرمح الموت عينك يوم ترخي هدبها

انت البخور اللي تطيب به الدار وغيرك حطب والكل بالفرق داري

باهي الخد خدك يشتكي رمش عينك يدمي الخد لا سلهمت رمش العيون

بس قبل المفارق ودي أسأل سؤال دام ما تفهمين الحب وش تفهمين

بعض البشر يفرض عليك الغلا فرض ... والبعض مثلك وين ما كان غالي

بعض الجروح تعالج شوي وتطيب وبعض الجروح علاجها نزعة الروح

بقول لك كلمتين و بختصارٍ شديد إن كان لزين ديرة فأنت العافية

بكيتني وأنا أحسبك تكره بكاي أثرك تلذذ في دموعي وأنا ابكي

بنك المحبة لك على طول مديون لو زاد صرفك ما يخلص رصيدك

تبكي عيوني على فرقا مثلكم غالين نعنبو جد الغلا كيف بعد العز بكاني

تبي تحس بقيمه اللي تحبه خله يغيب أيام وتحس بالموت

تعال فاحت دلة الشوق بالهيل ما غير أنا وهموم قلبي معازيم

تعبك راحه واحبك مهما تتعبني شفت الغلا كيف سوا من التعب راحه

تعلمت أزيف ضحكتي والقلوب أسرار على أنى بخير بعين من يجهل أحزاني

تفداك عين ما ترد النظر فيك و يفداك قلب ما يشوف العطش ماك

تكفى عشاني لا يجي بخاطرك شي ترى عذابي منك لا ضقت كلك

تكفين كفي دمعتك وارحميني قلبي من أسبابك يكفيه مافيه

تلعب بقلبي لعب الطفل بالطير يضحك وطيره ميت في يدينه

تمطر لغيري من حنانك سحايب ....... و يموت قلبي ضامين بين أيدينك

جابوك بالطاري و أنا كنت ناسيك سكت لحظه احتراما لطرياك

جعل العيون الي تبي اليوم فرقاك تفقد مع الأيام نعمة بصرها

جعل واهج غرامك مثل وجدي وناري مير ما ظن في دنيا المحبه عداله

جلست البارح أتأمل وأبكي زمان أول تغير حال هالدنيا أعز الناس ما يسأل

جيتك بقلب مفتوح صحيح مليان جروح ولكن ميزته وافي ويحبك يا روح الروح

حاول مرة حبيبي واطلب عيوني يمكن يضيع العقل لحظتها واسويها

حاولت أحبك زود عن كل هالناس واثري نسيت الناس من زود حبك .

حبك مثل موج البحرمده وفاوجزره جفاوقربه دفاوبعده إلى متى ؟؟

حبيبي حياتي يا حياتي بها افداك دونك حياتي وش حياتي بدونك

حبيبي عسى الله ما يبدل غلاك راضي في غرامك طول عمري أبيك

خل الرفيق اللي غدر بي يسليك واذكر ترى من خان لجلك يخونك

دام الوفا بقلوبنا حي ما مات أحبابنا لو طول البعد غالين

دخيلك تخلي ضايق الصدر بهمومه تراني على حد البكا لا تبكيني

دمعه تسيل و شمعه تنطفي و العمر بدونك يختفي و من دونك قلبي ينتهي

ذو العقل يشقى بالنعيم بعقله وأخو الجهالة في الشقاوة ينعم

راحت ويا كثر الذي قبلها راح يالله عسا بفراقها يا علي خير

رب أخ لم تلده أمي ينفي الأذى عني ويجلو همي

رجيت عطفك بس طال الرجا بك لين انقطع باليأس كل الرجا فيك

رفيق لا خسرته خسرت العمر كله ورفيق لاخسرته سلمت من الخساره

روحي تتكلم فيكمن لهفتي تناديك تصرخ وتقول وينك وحشتني موت ابيك

روحي له يارساله وانزلي من تحت شاله واهمسي في أذنه أني احبه لحاله

سؤالي عنك يكفيني ومن غيرك يواسيني من غيرك شغل بالي ومن غيرك ملا عيني

سبحان من زينك وفصلك تفصيل ... جمعت الحلا كله وزين الطبايع

شريتك بعمري وفا ليه بعتي عمر الهوى ما في الهوى شاري باع

شريتك بعمري وفا... ليه بعتي عمر الهوى ما في الهوى شاري باع

شعور قلبي لك اهديته .. ونبض الفرح فيك حسيته .. ولعيونك الشعر خطيته

صلى وصام لأمر كان يأمله حتى قضاه فما صلى ولا صاما

ضحكت أنا والضحك عني بعيد ضحكت منك يوم تطلبني أنساك

طبع الليالي بالسعادة قصيرة الله يذكر من فقدناه بالخير

عزي لمن جاله ورى النذل حاجه ياعنك ماحدّه زمانه على خير

عزي لمنهو بهوى خله تعذب يطرد ورى شمس مالها للشروق طاري

عشقي لك أكبر من غلا إنسان لإنسان إحساس ما كل البشر يفهمونه

علموك القساوه و أنت طبعك حنون كيف تجرح دموعي و أنت وسط العيون

غديت مثل العود مشراه غالي و غلاه لجله يحرقونه على النار

في عيوني حبستك لين كل سرى خفت عين تشوفك و أنت عندي وحيد

قال أنا كني غريب ضيع دروب المدينه قلت أنا كني مدينه تنتظر رجعت غريب

قالوا تعيد قلت مالي بالأعياد بعد الغضي عن كل الأعياد عايف

قالوا حبيبك يسمع الشعر قلت أيه يقراه بعيوني قبل تسمعونه

قسمت روحي بعد فرقاك روحين وحده معك والثانيه بانتظارك

قل لامك سامح الله خطاها جابتك فتنة للقلوب الرهيفة

قم للمعلم وفه التبجيلا كاد المعلم أن يكون رسولا

كل هم يزول وكل ضيقه تنتهي لا تحمل قلبك جروح ترى أيام الحزن ما تنتهي

كلن يقول أن الوفاء صعب نلقاه ..... و أنا أقول أن الوفاء فيك مخلوق

كيف اناديك عمري و العمر فاني أنت غير الناس و لك غلى ثاني

لا الشوق دمي ولا شعري مناديلي سيد القصايد على هونك بخادمها

لا تحرم المشتاق شوفت عيونك ترى الغلا ماهوب على كيف راعيه

لا تسأل دموعي عن أوجاع الأيام اسأل عيوني من تمنى تشوفه

لا تطري فراق فال الله ولا فالك هذا أنت مبطي معذبني و أهليبك

لا تفتكر أني على البعد ناسيك ولا تفتكر قل اتصالي قطاعه

لا تقطعن ذنب الأفعى وترسلها إن كنت شهما فأتبع رأسها الذنبا

لا تنه عن خُلُقٍ وتأتي مثله عار عليك إذا فعلت عظيم

لاخاب ظنك بالرفيق الموالي مالك مساريه على باقي الناس

لاهزك الطاري من الشوق راسلني لاتحجب إحساسك عن إحساس غاليك

لبيت تخفق الأرواح فيه أحب إلي من قصر منيف

لسانك لا تذكر به عورة امرىء فكلك عورات وللناس أعين

لو أحسب أيامي معك بالدقيقه يا صاحبي تزعل علي الثواني

لو أمدح الدنيا على طول الأيام ملحق جزاها يوم جادت بشرواك

لو تشبهين الناس ما فيه مثلك ملامحك تحمل تقاسيم روحي

لو خان ودك من تعزه الروح معذور لا صديت عن باقي الناس

لو لقيت أحد مثلي يحبك ويغليك اصرخ وقول اشهد أن الأصابع تساوت

لو ينشري قلبك ترى الكاش مدفوع ... نشري القلوب اللي ذبحنا غلاها

ليت الشوارع تجمع اثنين صدفه لا صار شباك المواعيد مجفي

ليتني ما شفت في عينك دموع منظر الدمعة على خدك هلاك

ما أنساك لو ينسى الكحل سود الأهداب و شلون تنسى العين صافي نظرها

ما كنت أفكر في فراقك دقيقة لولا أن عقلي من سبات الهوى فاق

مثل مابين الثريا والثرى بيننا تفصل ملايين السنين

مجنون شافك واصبح اليوم عاقل وعاقل ترى في غيبتك صار مجنون

مدور غلاتك ترى الغلا موجود المودة حقيقه والشواهد قلوب

مقصر في سؤالك وأنت غالي ولو ماني أحبك ما أبالي

من أول يا ذيب تفرس بياديك واليوم جا ذيب عن الفرس عداك

من حبكم قمت البس الثوب مقلوب وانشد عن الغتره وهي فوق راسي

من خيالي طيفك الكاذب سرى لا مشاعر في عيوني لا حنين

من قال ياعمري عليك النفس زعلانه اجرح وعذبني مدام الجرح يرضيني

من كثر ما أغليه صرت أفرح بزلاته لو قلتوا أخطى عليك أقول وش يعني

من نويت أنساك وأعلنها فراق قلبي أول من خذلني وأعتذر لك

من يقول انك تكون من البشر البشر من طين وأنت أصلك ملاك

من يكتب الماضي على كف يمناه يلقى شماله تشتكي من يمينه

منهو حبيبك غايتي بس اهنيه على حسن حظه عشانك حبيبه

مهما بعدتي احس انك لي لحالي احساس شاعر يا ويلك لو تحسينه

ناسن لها بالقلب حشمه وتقدير وناسن تجي وتروح محدن فقدها

نقل فؤادك حيث شئت من الهوى ما الحب إلا للحبيب الأول

هاك أنا أهديتك اللي ما نساك قلب حبك وعن غيرك سلى

هذاك لامنه نظرني بعينه أضيع الحاجة وهي في يديني

هذي حياتي لاخلت منك تنعاف مثل الليالي لاخلت من قمرها

همسة غلا جتني على غير ميعاد يا حلو همسات الغلا بين أهلها

همسة غلا جتني على غير ميعاد يا حلو همسات الغلا بين الأحباب

وإذا أتتك مذمتي من ناقص فهي الشهادة لي بأني كامل

والله لو تدري عن الشوق يمناك ما صافحت غيري من الناس مخلوق

والله لو جتني من الرفقه طوابير أنت الوحيد اللي له القلب يرتاح

وجود الحب يكفينا و هذي كل أمانينا..أنا وياك فينا طبع إذا حبينا حبينا

ودي أتوسد ذراعك وأضمك حيل لاحضاني وأحسك في عروقي عشق يملك كل وجداني

ودي أشوف من صار بعدي حبيبك وتشوف حالي بعدما حنا افترقنا

وش يسلي النفس في بعدك حبيبي كل دقيقة تمر في قلبي لهايب

ومن العداوة ما ينالك نفعه ومن الصداقة ما يضر ويؤلم

وينك حبيبي الحب خلد سيرتك داخل الروح تبقى حبيبي لو بقالي عذابك

وينك حبيبي وذاتي وينك يا نجمة حياتي وينك يا أجمل أعيادي

يا انسان أسف يا شبيه الإنسان فاتك قطار الصدق والصدق فاتك

يا بادي النسيان من غيرك أتعبنا كنا أعز اثنين وتالي العمر ضعنا

يا جرحي اللي شربت الحب من دمه كنت اجهل الحب لولا جرحك

يا درب يا طولك لشوف الأحباب يا درب تكفى تختصر لي المسافة

يا ذيب أنا بوصيك لا تآكل الذيب كم ليلة عشاك من عقب المجاعه

يا زارع الوردة على الصخر غلطان مثل الذي ينقش على الماء قصيدة

يا ساحرني و بطول غيابك قاهرني قتلني الشوق لو كان لك قلب راسلني

يا صاحبي لا صاروا أصحابك جفا هز جذعي وأتساقط لك وفا

يا صاحبي ما هي قضية كرامه حنا خسرنا بسبتك ناس غالين

يا عيوني خاطبي دمعة عيونه جاوبيها خففي ثورة ظنونه

يا فرحه أيامي ترى البعد كايد وشلون ابسلي و أنت عني بعيدي

يا كثر ما نذكر من الناس غالين تحت الثرى ما عاد فيهم رجوعي

يا مقفيٍ عني مثل ساير الناس شف خافتي ماهزته ذكرياتك؟

يامن غدا شوفه كما حبة الكوع لمسه قريب وحبته مستحيلة

يذوب قلبي في نواظر عيونك واشتاق لك شوق الغريب لدياره

يعطيك من طرف اللسان حلاوة ويروغ منك كما يروغ الثعلب

يعلم الله شوق نفسي لك بحر ويشهد الله صورتك في خيالي عيت تغيب

يغيب يحسب كل غيبه قصيرة و كم غيبةٍ كالموت و أقسى من الموت

يمطر لغيري من حنانك سحابك و يموت قلبي ظاميٍ بين أياديك

كلـــــــمات رائعة
يسلمووو امجد
..

يعطيك العافية
كلمات روعة

أجمل تعابير قلبي نضمها شعر فيك Get-1191181982

تعابير مهما وصفت لن توصف ولن نستطيع الوصف بالشكل الأفضل

يسلمو

ملكة الأحساس تسلم ــي ع المرور الرااقى
تحياتي لعيونكــ أمجد فارس الغرام

البنوتة المتميزة تسلم ــي ع المرور
الرااقى الجميل تحياتي لعيونكــ

أمجد فارس االغرام

تسلم ـم ابن الاردن ع المرور
الرااقى تحياتي لعيونك

مرحبا

امجد

شكرا كتير

على الكلمات الروعة

ومع أنه الكلام كتير لكن

كان نفسي يكون أكتر من هيك

و الله ما مليت من الكلام الرائع

تحياتي

يسلموووو ع ــاشقة الشهادة ع المرور
الملون بألون الرابيع الجميلة
الراقـــي

تحياتي لعيونكـــ

أمجد فارس الغرام

يسلمووووووووووو امجد كثير رائع
تحياتي as3b hob

يسلمووو كتير ع المرور الرااائع
الجم ـيل تحياتي كتتتير لعيونكــ

تحياتي أمجد فارس الغرام

» قلبي
» شعر حب رومانسيشعر حب رومانسي ، قصيدة حب رومانسي ، اجمل قصيده حب رومانسي ، أجمل قصيدحب رومنسي ، قصائد حب رومانسي ، أجمل قصائد حب رومنسي سأنثر
» الي من ملك قلبي -
» حزن قلبي
» نبض قلبي ...