قصة ابن غزة
انا ابن غزة .. تنفست الكرامة .. قلبي نبض عزة .. فيه من العمر ثلاثين.. متزوج .. عندي ولد و بنتين .. امي ربي يرحمها .. و ابوي اسير من سنين .. الي اخو استشهد و باقي عندي اثنين . . اول ما حملت الحجر .. اول كلمة نطقتها فلسطين .. من نفسي اخذت العهد .. و انا بعمر السنتين .. من نفسي اخذت العهد.. لو لان الصوان .. قلبي انا ما يلين .. من نفسي اخذت العهد .. تروح الروح .. تموت الروح .. بس الوطن ما يروح .. قبل فترة يا شيخ .. ضجت بنا الفتنة .. مع انو ما حد كان عالفتنة ناوي .. اخواني حطوا ببعض .. على انت فتحاوي و انت حمساوي .. هدينا الوضع .. قلنا معلش .. تروح الروح .. تموت الروح .. بس الوطن ما يروح .. بعد مدة يا شيخ .. الاعادي حاصرونا .. جوعونا و عذبونا و عطشونا .ز حرمونا الكهربا و المي .. حتى اللقمة نوكلها ما خلونا .. قلت المعبر يا شيخ .. بعد رفح المصري اخونا .. بعد المعبر اخوي .. لو قلت اه يسمعني .. لو جعت يجوع و يطعمني .. بعد المعبر اخوي لو مالت يعدلها ..يا شيخ قبل يومين .. ابني الصغير حسين .. بعمر الورد يا شيخ .. ما وفى ست سنين .. منو العطر بيفوح .. للمدرسة وصلته .. ضميته على قرب الروح .. و على جبينه بسته .. بطرفة عين يا شيخ .. قذيفة و قصفته .. كومة لحم يا شيخ.. بإيدي انا شلته .. لا في جسد لا روح .. لو ما شافته عيني ما كنت صدقته .. بأيدي انا يا شيخ ..بإيدي دفنته .. قلبي معه يا شيخ .. تحت الارض دسته .. بس معلش .. تروح الروح .. تموت الروح .. بس الوطن ما يروح .. هذا انا يا شيخ .. انا ابن غزة .. تنفست الكرامة .. قلبي نبض عزة .. جيت اليوم اكتب اروي قصتي لأجل من بعدي توصلها .. اجيت اكتب وصيتي لأجل عني تبلغها .. روح للمرأة يا شيخ .. فهمها و قول الها .. تربي البنت .. تفهمها و تعلمها .. تحفظها العهد يا شيخ .. تروح الروح .. تموت الروح .. بس الوطن ما يروح
اخواننا في الوطن .. اخواننا في الجسد ..اخواننا في الروح .. اخواننا في الدين .. دمنا في دمكم .. و دمنا ينزف .. و جسدنا في جسدكم .. و جسدنا يتقطع .. اشلاؤنا تتناثر .. نحن مشتركين في حبل الوريد .. نحن انتم و لو من بعيد .. نحن مخلوقين من نفس التراب و الطين .. طين عظامنا هو طين عظامكم .. و عظامنا تتفتت .. اطفالنا هم اخوة اطفالكم ..و اطفالنا تذبح .. نسائنا هم عرضكم .. كرامتنا هي كرامتكم .. و كرامتنا تنتهك .. اخواننا .. هل انتم معنا ..؟ لماذا لا تنطقون .. اما تشعرون .. اخواننا نحن مضطهدون .. اخواننا ما بالكم .. اما تجيبون ؟؟؟؟؟؟؟؟؟؟؟
موضوع: قصة أبن فلسطين. 
الجمعة ديسمبر 25, 2009 1:29 pm
