ابليس يصف الحالة فى غزة .........

كان في ‏غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت ‏استقالته موقّعة ومختومة حسب الأصول, وبجوارها تقبع و ن-واي تيكت إلى جزر ‏القمر.
‏

كانت ملامح وجهه في تلك اللحظات تنطق بالحزن, ‏الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست ‏بالقريبة, واعترافٍ بالعجز والفشل
.
‏إبليس راحلٌ عن بلادنا إلى غير ‏رجعة... فليفرح المؤمنون...

: أحد المواطنين‏ وين يامسهّل؟ ليش بتضبّ ‏اغراضك؟
: إبليس‏يازلمة ماظلّلي قعدة عندكو, إلي سنين عاطل عن العمل وقرّبت أموت من ‏الجوع.. بلاقيش معك سيجارة ياخوي؟
مش قاطع فيكو لا وسواس ولا خنّاس! كنت ‏زمان بوسوس للوحدة تسيب ابنها يعيّط وهي بتحكي مع جاراتها, هسّة صاروا لحالهم يرموا ‏اولادهم في الزبالة أوّل ماينولدوو!
‏كنت أوسوس للواحد ينسى يسمّي الله قبل ‏ماياكُل, هسّة بطّل حدا لاقي إشي يآكلُه! يازلمة إذا أنا إبليس تسمّمت ‏بالشاورما !
‏

كنت برضو بوسوس للشب يرميله كلمة ع البنت وهي ماشية ‏بالشارع, صاروا البنات يطقّسوا ع الشباب بكلام أنا نفسي بستحي ‏أحكيه!‏ إنتو بدّكو إبليس ‏إنتو؟!
‏صار عندكم فائض في الفساد بكفّي 30 سنة لقدّام, صرت أخاف على حالي ‏منكم!

أي ازا كان بوسوس لليوهود تضربلكم الانفاق حتى يصير الدم للركب بقلهم بيجيبو سلاح
بعد ما ينضرب النفق بتنزلو تفحروه أحسن من قبل!‏

يازلمة مرّات بضطرّ أوسوس بالشقلوب وأقول
للبياعين رخصوا هالبضاعة حرام عليكو وأقول للمسؤول إرحم من في الارض يرحمكم من في السماء وأقول للحرامي
‏بكفّي خلّي شويّ للحراميّة اللي رح ييجوا ‏بعدك!
‏يعني إذا إنتو لحالكو سمالله بتعملوا كل هالبلاوي, أنا إبليس شو ‏أعمل؟ أشتغل سواق تكسي يعني ولاّ أفتح صالون حلاقة؟ ماظلّ غير أقدّم للأوقاف ‏يعيّنوني شيخ ولا إمام جامع!

ماظلّ غير أقدّم للأوقاف ‏يعيّنوني واعظ أو إمام جامع


يلا بينفع الناس شوي


هههههههههههههههههههههههههههههههههههههههههههههه

تدوم الضحكة والبسمة عليك يا سوار الذهب