قصة الملك وبناته التلاتة بالفلسطيني

كان يا ما كان في قديم الزمان
ملك غزاوي عنده ثلاث بنات حب في يوم من الأيام
انه يختبر حبهم اله

......
(جاب الكبيرة (وجه البكسة
وقالها: يابا يا حبيبتي قديش بتحبي أبوكي الملك
البنت من غير تفكير: بحبك قد ما السمك بحب البحر
>>
>>
>>
الملك فكر وقال في باله
اي هو السمك بقدر يعيش بدون بحر .. هاي البنت بتحبني كتير
وقال الها
انا كنت عارف انك بتحبيني بس مش لهدرجة
وقام أعطاها قصر كبير ومجوهرات

......
>>
جاب البنت التانية (واسطة العقد) وسألها نفس السؤال
وقالها: يابا يا حبيبتي قديش بتحبي أبوكي الملك
فقالتله: بحبك قد ما الطير بحب السما

وقال في باله: اي هو الطير بقدر يعيش بدون سما ويطير .. هاي البنت
>>بتحبني كتير
انبسط الزلمة وكيّف .. وأعطاها قصر جنب أختها ومجوهرات وميمعة

>>
>>بعدين جاب البنت الصغيرة
>>اخر العنقود اللي بموت فيها) وسألها نفس السؤال)
>>وقالها: يابا يا حبيبتي قديش بتحبي أبوكي الملك
>>قامت جاوبته: بحبك قد ما الدقّة بتحب الشطة
>>
>>
>>
>>الزلمة زعل وعصب وقام لاحها كف خلا أيديها و رجيلها اربعة
>>ومسكها من شعرها وزتها برة القصر .. وما رضي يسمع منها ولا نص كلمة
>>
>>
>>
>>.
>>.
>>.
>>
>>......
>>
>>البنت دارت بالحواري يا عيني وعلى أرصفة الطرقات
>>وتسمع كلمة من هاد وكلمتين من هداك
>>لغاية ما ربنا حن عليها و أجاها مزارع مسكين على باب الله حبها وحبته
>>وراحوا سكنو بالكوخ تبعه اللي بنص الغابة ،
>>
>>.
>>.
>>
>>ودارت الأيام ومرت الأيام
>>ما بين بعاااد وخصاااااااااااااااااام
>>
>>
>>
>>......
>>
>>وفي يوم من الأيام كان الملك قاعد بتصيد بالغابة
>>ونسي حاله وسرح وضاع بالغابة .. دور على المرافقين ولا هم هون
>>طب وين الحرس .. وين الشباب ؟
>>لا حياة لمن تنادي .. وضل الملك يمشي ويمشي
>>لغاية ما لقي هالكوخ لصغير، قال يلا بفوت برتاح وباكلي لقمة
>>
>>
>>
>>دق على الباب فتحلوا صاحب البيت وهو مش عارفه
>>دخلوا جوا وهو شايفه تعبان
>>وصار يحكي مع الزلمة مرته مش خافي عليها الصوت
>>
>>
>>
>>قام الزلمة بيقول للمرة
>>!! اذبحيلنا جاجتين خلينا نتعشى ونعشي الضيف
>>المرة مين طبعا ؟
>>واضحة بنت الملك المقصوفة الصغيرة يا هبلان
>>- ركزوا بالقصة ولكو .. هههههههه -
>>
>>
>>
>>.
>>.
>>
>>المهم بدت تشتغل بالجاجات وخطر على بالها فكرة
>>نادت جوزها وقالتله خود شوية الدقة هاي مع صحن زيت
>>سلكو فيهم لغاية ما يخلص الاكل شكله الزلمة ميت من الجوع
>>
>>
>>
>>والله الزلمة عجبته الفكرة وقام حط الزيت والدقة قدام الملك
>>وقاله: اتفضل يا عمي على بين ما يجهز الاكل
>>
>>
>>
>>الملك ميت جوع وهو بحب الدقة كتير
>>ما بلع اول لقمة ولا صار بده يستفرغ
>>وصاح بالزلمة: ولك شو هاد دقة من غير شطة ؟؟؟ .. كيف بتاكلوها هاي ؟؟
>>
>>
>>
>>وفجأة اتذكر بنته الصغيرة وصار يعيّط زي الهبايل
>>قاله الزلمة: ول ، شو مالك يا زلمة انت العاقل .. كل هاد مشان شوية
>>دقة !!
>>هسة الجاج بخلص .. !! قلعطتني ... شو هالعالم هاي
>>
>>
>>
>>راح الملك حكى للزلمة القصة
>>وهو خلص من هون نطت البنت وقالت
>>بخ ، كيفك بابا ؟ عرفت اديش بحبك يا اهبل ؟؟
>>
>>
>>
>>وهيك عرف الملك قديش بتحبه بنته
>>وجابتله دقة بشطة .. طبعا ما أكل منها ولا لقمة لأنه نزل بالجاج جرد
>>و أعطاها قصرين ومجوهرات و سوبر ماركت و كيلو معسل (علشان هي بتأرجل )
>>وشغل جوزها عنده وتوته توته خلصت الحتوتة

تسلم ايدك عالقصة
طالعة نيو لوك بالفلسطيني
تحياتي لك:
وردات

***
**
*

» قصر الملك فهد / تحت الماء / صور
» شاهد بالصورة أب يقوم بذبح زوجته وبناته .....
» قتل زوجته وبناته بالصور .. وتنبيه الصور غاية في البشاعة
» نعل الملك
» 5 !! عسل !! 10 !! قمر !! 15 !! ملاك !! 20 !! الملك